കോഴിക്കോട്:തൃശൂര് സ്വദേശിനി യുവതിയെ വിവാഹ വാഗ്ദാനം നല്കി പീഡിപ്പിച്ചെന്ന പരാതിയില് കണ്ണൂര് സ്വദേശിയായ യുവാവ് പിടിയില്. എടക്കാട് സ്വദേശി മേത്തലപ്പള്ളി വളപ്പില് വീട്ടില് ഷമീര് (37) ആണ് കോഴിക്കോട് വെള്ളയില് പൊലീസിന്റെ പിടിയിലായത്.
കഴിഞ്ഞ ഏപ്രിലിലാണ് കേസിനാധാരമായ സംഭവം നടന്നത്.ഓട്ടോ-ടാക്സി ഡ്രൈവറായ പ്രതി പല ദിവസങ്ങളിലായി കണ്ണൂര് ടൗണിലെ ലോഡ്ജിലും കോഴിക്കോട് ബീച്ചിലും എത്തിച്ച് പീഡിപ്പിച്ചു എന്നാണ് യുവതിയുടെ പരാതിയില് ഉളളത്.
യുവാവ് വിവാഹ വാഗ്ദാനത്തില് നിന്ന് പിന്മാറിയതിനെ തുടര്ന്നാണ് പൊലീസില് പരാതി നല്കിയത്. കണ്ണൂര് എടക്കാട്ടെ മുനമ്പില് വച്ചാണ് ഇയാളെ അറസ്റ്റ് ചെയ്തത്. പ്രതിയെ റിമാന്ഡ് ചെയ്തു.
