കരച്ചിൽ നിർത്തുന്നില്ല : ഒരു മാസം പ്രായമുള്ള ആൺകുഞ്ഞിനെ അമ്മ തിളച്ച വെള്ളം ഒഴിച്ച് കൊലപ്പെടുത്തി

ബെംഗളൂരു ; ഒരു മാസം പ്രായമുള്ള ആൺകുഞ്ഞിനെ അമ്മ തിളച്ച വെള്ളം ഒഴിച്ച് കൊലപ്പെടുത്തി. കർണാടകയിലെ ബാംഗ്ലൂരിലെ നാലമംഗല പ്രദേശത്തുനിന്നുള്ള രാധാമണി (25 ) ആണ് കുഞ്ഞിനെ കൊലപ്പെടുത്തിയത് .

രാധാമണിയുടെ ഭർത്താവ് മദ്യപാനിയാണ്, പലപ്പോഴും മദ്യപിക്കുകയും രാധാമണിയെയും കുഞ്ഞിനെയും അവഗണിക്കുകയും ചെയ്യുന്നു. ഇത് രാധാമണിയുടെ മാനസിക ക്ലേശം വർദ്ധിപ്പിച്ചു.മാസം തികയാതെ ജനിച്ച തന്റെ കുഞ്ഞിന് മാനസികമായി തകരാർ ഉണ്ടെന്നും അതിനാലാണ് ഇടയ്‌ക്കിടെ കരയുന്നതെന്നുമാണ് രാധാമണി വിശ്വസിച്ചിരുന്നത്.

സംഭവദിവസം രാധാമണി അമ്മയുടെ വീട്ടിലായിരുന്നു . അമ്മ രേണുകയും വികലാംഗനായ മൂത്ത സഹോദരനും അവിടെ ഉണ്ടായിരുന്നു. ആ സമയത്ത് കുഞ്ഞ് പതിവുപോലെ പാൽ കുടിക്കാതെ കരയാൻ തുടങ്ങി.ഇത് കണ്ട രാധാമണി തിളച്ച വെള്ളം ഒഴിച്ച് കുഞ്ഞിനെ ശരീരത്തിൽ ഒഴിക്കുകയായിരുന്നു . സംഭവം അറിഞ്ഞെത്തിയ അയൽക്കാരാണ് കുഞ്ഞിനെ ആശുപത്രിയിൽ എത്തിച്ചത് . എന്നാൽ ജീവൻ രക്ഷിക്കാനായില്ല . രാധാമണിയെ പൊലീസ് അറസ്റ്റ് ചെയ്തു.