കാസര്കോട്: യൂത്ത് ലീഗ് മുന് നേതാവ് എംഡിഎംഎ കേസില് അറസ്റ്റിലായി. മുസ്ലിം യൂത്ത് ലീഗ് കൂടരഞ്ഞി പഞ്ചായത്ത് മുന് പ്രസിഡന്റ് സാദിഖലി കൂമ്പാറ ആണ് പൊലീസ് പിടിയിലായത്.
കാസര്കോട് ബേക്കല് പൊലീസ് രജിസ്റ്റര് ചെയ്ത കേസിലാണ് ഇയാളെ അറസ്റ്റ് ചെയ്തത്.240 ഗ്രാം എംഡിഎംഎയുമായി അബ്ദുള് ഖാദര് എന്ന ആള് കഴിഞ്ഞ ദിവസം ബേക്കല് പൊലീസിന്റെ പിടിയിലായിരുന്നു. ഇയാളില് നിന്നും ലഭിച്ച വിവരത്തിന്റെ അടിസ്ഥാനത്തിലാണ് സാദിഖലിയിലേക്ക് പൊലീസ് എത്തിയത്.
സാദിഖലിയെ അന്വേഷിച്ച് പൊലീസ് സംഘം വീട്ടില് എത്തിയെങ്കിലും ഇയാള് കുടുംബത്തോടൊപ്പം വയനാട്ടിലേക്ക് കടന്നിരുന്നു.പിന്നാലെ ലക്കിടിയില് നിന്നും ബത്തേരി പൊലീസ് ഇയാളെ കസ്റ്റഡിയിലെടുത്ത് ബേക്കല് പൊലീസിന് കൈമാറുകയായിരുന്നു.
