ആലുവ : കാപ്പാ ഉത്തരവ് ലംഘിച്ച് കുറ്റകൃത്യത്തിൽ ഏർപ്പെട്ടതിന് നിരന്തര കുറ്റവാളിയെ അറസ്റ്റ് ചെയ്തു. പുത്തൻവേലിക്കര തുരുത്തൂർ പടമാട്ടുമ്മൽ വീട്ടിൽ റെഫി (26) നെയാണ് അറസ്റ്റ് ചെയ്തത്.
പുത്തൻവേലിക്കര പോലീസ് സ്റ്റേഷൻ പരിധിയിൽ നിരവധി കുറ്റകൃത്യങ്ങളിൽ ഉൾപ്പെട്ട ഇയാൾ കാപ്പ നിയമപ്രകാരം ശിക്ഷയിൽ കഴിഞ്ഞ് വരികയായിരുന്നു. എല്ലാ ആഴ്ചകളിലും സ്റ്റേഷനിൽ ഹാജരാകണം എന്നും,മറ്റു കുറ്റകൃത്യങ്ങളിൽ ഉൾപ്പെടെരുതെന്നും ഉത്തരവുണ്ടായിരുന്നു.
ഇത് ലംഘിച്ച് പെൺകുട്ടിയെ തടഞ്ഞുനിർത്തി ഭീഷണിപ്പെടുത്തിയത് ചോദ്യം ചെയ്ത ബന്ധുവിനെ ആക്രമിച്ച് ഗുരുതര പരിക്കേൽപ്പിച്ചിരുന്നു. തുടർന്ന് കേസ് രജിസ്റ്റർ ചെയ്ത് കോടതിയിൽ ഹാജരാക്കി ജയിലിലടച്ചു.
അന്വേഷണ സംഘത്തിൽ ഇൻസ്പെക്ടർ സിദ്ദിഖ് അബ്ദുൾ ഖാദർ, എസ്. ഐ കെ.ടി.ജിജീഷ്,എ എസ് ഐ കെ.എ.ബെൻസി, സിപിഒ എം കെ, പ്രവീൺ കുമാർ എന്നിവരാണ് അന്വേഷണ സംഘത്തിൽ ഉണ്ടായിരുന്നത്.
