എറണാകുളം: ഡോക്ടര്മാരുടെ മരുന്ന് കുറിപ്പടികള് വായിക്കാന് പറ്റുന്നതാകണമെന്ന നിര്ദ്ദേശവുമായി ഉപഭോക്തൃ കോടതി.മെഡിക്കല് രേഖകള് യഥാസമയം രോഗികള്ക്ക് ലഭ്യമാക്കണമെന്നും കോടതി. പറവൂര് സ്വദേശിയുടെ പരാതിയിലാണ് എറണാകുളം ജില്ലാ ഉപഭോക്തൃ തര്ക്ക പരിഹാര കോടതിയുടെ നിര്ദ്ദേശം.
എറണാകുളത്തെ സ്വകാര്യ ആശുപത്രിയിലെ ചികിത്സാ പിഴവിനെ തുടര്ന്നാണ് പറവൂര് സ്വദേശി കോടതിയില് ഹര്ജി സമര്പ്പിച്ചത്.ഈ ഹര്ജി പരിഗണിക്കവേയാണ് കോടതി പുതിയ നിര്ദേശം വച്ചത്.
ആരോഗ്യരംഗത്ത് സുതാര്യതയും പ്രതിബദ്ധതയും ഉറപ്പുവരുത്താന് ഡോക്ടര്മാര് മരുന്ന് കുറിപ്പടികള് വായിക്കാന് കഴിയും വിധം എഴുതണമെന്നാണ് കോടതി നിര്ദേശിച്ചിരിക്കുന്നത്. രോഗികള്ക്ക് മെഡിക്കല് രേഖകള് ലഭ്യമാകുന്നതിനുള്ള കാലതാമസം പരിഹരിക്കണം. ഭരണഘടന നല്കുന്ന ജീവിക്കാനുള്ള അവകാശത്തോട് ബന്ധപ്പെട്ട് കിടക്കുന്നതാണ് ഇത്തരം കാര്യങ്ങളെന്നും കോടതി വ്യക്തമാക്കി. ഡി ബി ബിനു അധ്യക്ഷനായ ബെഞ്ചാണ് ഇക്കാര്യങ്ങള് വ്യക്തമാക്കിയത്.
