ഷിക്കാഗോ : യുഎസിലെ ഷിക്കാഗോയിൽ അജ്ഞാതൻ ജനക്കൂട്ടത്തിനു നേരെ നടത്തിയ വെടിവയ്പിൽ 4 പേർ കൊല്ലപ്പെട്ടു. 14 പേർക്കു പരുക്കേറ്റു. 3 പേരുടെ നില ഗുരുതരമാണ്. റാപ് ആൽബം റിലീസുമായി ബന്ധപ്പെട്ട് റസ്റ്ററന്റിൽ കൂടിനിന്നവരെയാണ് വെടിവച്ചത്.
അക്രമി വാഹനത്തിൽ കടന്നുകളഞ്ഞു. വെടിയേറ്റവരിൽ 13 പേർ വനിതകളും 5 പേർ യുവാക്കളുമാണ്. 2 വനിതകളും 2 പുരുഷന്മാരുമാണ് മരിച്ചത്. അക്രമിക്കായി തിരച്ചിൽ നടക്കുന്നു.
