മധുരൈ : തെലങ്കാനയിലെ ഒരു ഫാർമ കമ്പനിയിലുണ്ടായ സ്ഫോടനത്തിന് ശേഷം ഇപ്പോൾ തമിഴ്നാട്ടിൽ നിന്ന് ഒരു സ്ഫോടന വാർത്തയാണ് വരുന്നത്. സംസ്ഥാനത്തെ ശിവകാശിക്കടുത്തുള്ള ചിന്നകമൻപട്ടിയിലുള്ള ഒരു പടക്ക ഫാക്ടറിയിലാണ് സ്ഫോടനം ഉണ്ടായത്. സ്ഫോടനത്തിൽ നാല് പേർ സംഭവസ്ഥലത്ത് തന്നെ മരിച്ചു.
സ്ഫോടനത്തിൽ അഞ്ച് പേർക്ക് ഗുരുതരമായി പരിക്കേറ്റതായി വാർത്താ ഏജൻസിയായ എഎൻഐ റിപ്പോർട്ട് ചെയ്തു. എല്ലാവരെയും വിരുദുനഗറിലെ സർക്കാർ ആശുപത്രിയിൽ പ്രവേശിപ്പിച്ചു.
വിരുദുനഗർ ജില്ലാ എസ്പി കണ്ണൻ ഇത് സ്ഥിരീകരിച്ചു. കൂടാതെ രക്ഷാപ്രവർത്തനങ്ങൾ പുരോഗമിക്കുകയാണെന്നും അദ്ദേഹം കൂട്ടിച്ചേർത്തു.
