കൊല്ലം: പത്താം ക്ലാസ് വിദ്യാര്ത്ഥിനിക്ക് നേരെ കെഎസ്ആര്ടിസി ബസില് ലൈംഗികാതിക്രമം.കണ്ടക്ടര് അറസ്റ്റിലായി.
പുനലൂര് ഡിപ്പോയിലെ കണ്ടക്ടര് കുന്നിക്കോട് ചക്കുവരയ്ക്കല് സ്വദേശി അജയഘോഷാണ് പിടിയിലായത്. സ്കൂള് വിട്ട് വീട്ടിലേക്ക് പോകാന് ബസില് കയറിയ വിദ്യാര്ത്ഥിനിയോട് കണ്ടക്ടര് അപമര്യാദയായി പെരുമാറിയെന്നാണ് പരാതി.
പെണ്കുട്ടി സ്കൂളിലെ ടീച്ചറോട് വിവരം പറഞ്ഞു. പിന്നാലെ കുന്നിക്കോട് പൊലീസില് ലഭിച്ച പരാതി പ്രകാരം 53 കാരനായ അജയഘോഷിനെ അറസ്റ്റ് ചെയ്തു. കോടതിയില് ഹാജരാക്കി പ്രതിയെ റിമാന്ഡ് ചെയ്തു.
