മഞ്ഞപ്പട്ടുടുത്ത് , മുടിയിൽ പൂവും ചൂടി പ്രധാനമന്ത്രി നരേന്ദ്രമോദിയ്‌ക്കൊപ്പമുള്ള കുട്ടിക്കുറുമ്പി : സോഷ്യൽ മീഡിയ തേടുന്നു ആരാണ് ഈ കുഞ്ഞ് സുന്ദരി ?

ന്യൂദൽഹി : കഴിഞ്ഞ രണ്ട് ദിവസമായി സോഷ്യൽ മീഡിയയിൽ ഏറെ ശ്രദ്ധ നേടുന്ന ഒരു ചിത്രമുണ്ട് . മഞ്ഞപ്പട്ടുടുത്ത് , മുടിയിൽ പൂവും ചൂടി പ്രധാനമന്ത്രി നരേന്ദ്രമോദിയ്‌ക്കൊപ്പമുള്ള ഒരു കുഞ്ഞ് സുന്ദരി . കയ്യിലുള്ള പേപ്പറിൽ എന്തോ കാണുന്ന ആറ് വയസുകാരി കുറുമ്പി . അത് നോക്കി ആശ്ചര്യപ്പെട്ടിരിക്കുന്ന പ്രധാനമന്ത്രി .

ചിത്രം വൈറലായതിനു പിന്നാലെ എല്ലാവരും ഈ കുഞ്ഞ് ആരാണെന്നാണ് അന്വേഷിച്ചത് . അത് മറ്റാരുമല്ല മോദിയുടെ സഹപ്രവർത്തകനും, ഉറ്റസുഹൃത്തുമായ അരുൺ ജെയ്റ്റ്‌ലിയുടെ മകൻ രോഹിത് ജെയ്റ്റ്‌ലിയുടെ മകളായിരുന്നു.ഡൽഹി ആൻഡ് ഡിസ്ട്രിക്റ്റ്സ് ക്രിക്കറ്റ് അസോസിയേഷൻ (ഡിഡിസിഎ) പ്രസിഡന്റ് കൂടിയായ രോഹൻ ജെയ്റ്റ്‌ലി, ഭാര്യ മെഹറുന്നിസ്സ ആനന്ദ്, മകൾ, അമ്മ സംഗീത ജെയ്റ്റ്‌ലി, സഹോദരി സോണാലി ജെയ്റ്റ്‌ലി ബക്ഷി എന്നിവർക്കൊപ്പം മോദിയെ കാണാൻ കഴിഞ്ഞ ദിവസം എത്തിയിരുന്നു. അപ്പോൾ പകർത്തിയ ചിത്രമാണിത് .

അരുൺ ജെയ്റ്റ്‌ലി 14 വർഷം ഡിഡിസിഎ പ്രസിഡന്റായി സേവനമനുഷ്ഠിച്ചു. 2020 ൽ, കാലാവധി പൂർത്തിയാക്കാതെ രജത് ശർമ്മ സ്ഥാനം രാജിവച്ചപ്പോൾ, രോഹൻ എതിരില്ലാതെ തിരഞ്ഞെടുക്കപ്പെടുകയായിരുന്നു.