ന്യൂദൽഹി : ലോകത്ത് നിരവധി മതങ്ങളിൽപ്പെട്ട ആളുകൾ താമസിക്കുന്നുണ്ട് . അവരുടെ മൊത്തം ജനസംഖ്യ 800 കോടിയിലധികമാണ്. വേൾഡോമീറ്റർ റിപ്പോർട്ട് അനുസരിച്ച്, ഈ 800 കോടിയിൽ ഏറ്റവും കൂടുതൽ ജനസംഖ്യ ഇസ്ലാമിലും ക്രിസ്തുമതത്തിലും വിശ്വസിക്കുന്നവരാണ്. എന്നാൽ, ഇപ്പോൾ ലോകത്തിലെ 55 വയസ്സിന് താഴെയുള്ള പത്തിൽ ഒരാൾ വീതം തങ്ങളുടെ ബാല്യകാല മതം ഉപേക്ഷിച്ചതായി പ്യൂ റിസർച്ച് റിപ്പോർട്ട് പറയുന്നു.
പ്യൂ റിസർച്ച് സെന്റർ റിപ്പോർട്ട് അനുസരിച്ച്, ആഗോളതലത്തിൽ മതപരിവർത്തനം മൂലം ക്രിസ്തുമതത്തിനാണ് ഏറ്റവും കൂടുതൽ നഷ്ടം സംഭവിച്ചിരിക്കുന്നത്. ഡാറ്റ പ്രകാരം, ക്രിസ്തുമതത്തിൽ വളർന്ന ഓരോ 100 പേരിൽ 17.1 പേർ മതം ഉപേക്ഷിച്ചു. ക്രിസ്തുമതം സ്വീകരിച്ചത് 5.5 പേർ മാത്രമായിരുന്നു. അതായത്, ആകെ 11.6 പേരുടെ നഷ്ടം ഉണ്ടായി. ക്രിസ്തുമതത്തിന്റെ അനുയായികളുടെ എണ്ണത്തിലെ ഈ കുറവ് ആശങ്കാജനകമാണെന്നും റിപ്പോർട്ടിൽ പറയുന്നു.
ബുദ്ധമതവുമായി ബന്ധപ്പെട്ട സ്ഥിതിവിവരക്കണക്കുകൾ ഞെട്ടിപ്പിക്കുന്നതാണ്. 100 ബുദ്ധമതക്കാരിൽ 22.1 പേർ മതം ഉപേക്ഷിച്ചു. ഇത് എല്ലാ മതങ്ങളെ അപേക്ഷിച്ച് ഏറ്റവും ഉയർന്നതാണ്. അതേസമയം, 12.3 പേർ ബുദ്ധമതം സ്വീകരിച്ചു, മൊത്തം നഷ്ടം 9.8 ആയിരുന്നു. 100 പേരിൽ 24.2 പേർ മതപരമായ ബന്ധം ഉപേക്ഷിച്ചു.
മുസ്ലീം, ഹിന്ദു മതങ്ങളിൽ മതപരിവർത്തന നിരക്ക് വളരെ സ്ഥിരതയുള്ളതായി തുടരുന്നു. മതം ഉപേക്ഷിച്ച് സ്വീകരിക്കുന്ന ആളുകളുടെ എണ്ണം ഏതാണ്ട് തുല്യമാണ്. അതിനാൽ, ഈ മതങ്ങൾക്ക് യാതൊരു നേട്ടമോ നഷ്ടമോ ഇല്ലെന്നും റിപ്പോർട്ടിൽ പറയുന്നു.
പ്രതികരിക്കാൻ ഇവിടെ എഴുതുക