പഴമ്പാലക്കോട് (പാലക്കാട്): വായന വാരാചരണത്തില് വ്യത്യസ്തമായ പുസ്തക പ്രകാശനം. പഴമ്പാലക്കോട് എഎല്പി സ്കൂളില് നടന്ന ചടങ്ങില് പഴമ്പാലക്കോട് ഹൈസ്കൂളിലെ അദ്ധ്യാപകനായ ഡോ. സംഗീത് രവീന്ദ്രന്റെ ‘വേരുകള് ചിരിക്കാറുണ്ട്’ (അനുഭവക്കുറിപ്പുകള്) എന്ന പുസ്തകം മക്കളും കൂട്ടുകാരും ചേര്ന്ന് പ്രധാന അദ്ധ്യാപകര്ക്ക് നല്കി പ്രകാശനം ചെയ്തു.
ഡോ. സംഗീതിന്റെ മകന് അഞ്ചാം ക്ലാസുകാരനായ സൂര്യനാരായണന് എസ.് ഹൈസ്കൂള് പ്രധാനാദ്ധ്യാപിക മിനി രവീന്ദ്രനും മകളും മൂന്നാം ക്ലാസ് വിദ്യാര്ത്ഥിനിയുമായ സരയു എല്പി സ്കൂള് എച്ച്എം ബിന്ദു വി.യ്ക്കും പുസ്തകം നല്കി.
30 അധ്യായങ്ങളുള്ള വേരുകള് ചിരിക്കാറുണ്ട് എന്ന പുസ്തകം ഡോ. സംഗീത് രവീന്ദ്രന്റെ ഒമ്പതാമത്തെ പുസ്തകമാണ്. കേരളകൗമുദി, ജന്മഭൂമി പത്രങ്ങളില് റിപ്പോര്ട്ടറായി പ്രവര്ത്തിച്ച കാലത്തെ അനുഭവങ്ങളാണ് പുസ്തകത്തില്. അദ്ധ്യാപകരായ വി. രാമദാസ്, നാരായണന്കുട്ടി, സ്മിത, നിഷാന, ജയശ്രീ, മൊഹ്സിന്, ഷംന, സുമിത്ര എന്നിവര് പ്രസംഗിച്ചു.
