ചാലക്കുടി: അതിരപ്പിള്ളി വാഴച്ചാലില്‍ ചാലക്കുടി പുഴയിലെ കുത്തൊഴുക്കിലകപ്പെട്ട കാട്ടാനയെ മണിക്കൂറുകള്‍ക്ക് ശേഷം രക്ഷപ്പെടുത്തി. ഇന്നലെ രാവിലെ ഒന്‍പതു മണിയോടെ വാഴച്ചാലിലെ ശക്തമായ കുത്തൊഴുക്കില്‍ ആന അകപ്പെട്ടത്.
പരിശോധനയ്‌ക്കെത്തിയ വനപാലകരാണ് ആദ്യം കണ്ടത്.
പുഴയുടെ നടുക്ക് മറുകരയിലേക്ക് പോകുവാന്‍ സാധിക്കാതെ പാറയ്‌ക്ക് മുകളില്‍ നില്‍ക്കുകയായിരുന്നു. ആനയെ മറുകരയിലേക്ക് കയറ്റിവിടാനുള്ള ശ്രമങ്ങള്‍ ഫലം കണ്ടില്ല. ഒടുവില്‍ ഉദ്യോഗസ്ഥരുമായി കുടിയാലോചിച്ച ശേഷം പെരിങ്ങല്‍ക്കുത്ത് ഡാമില്‍ നിന്ന് പുഴയിലേക്ക് വെള്ളം തുറന്ന് വിടുന്ന മുഴുവന്‍ ഷട്ടറുകളും അടച്ച് വെള്ളത്തിന്റെ ശക്തി കുറച്ച് മൂന്ന് മണിക്കൂര്‍ നേരത്തെ പരിശ്രമത്തിനൊടുവില്‍ ആനയെ മറുകരയിലേക്ക് സുരക്ഷിതമായി കയറ്റി വിട്ടു. പിന്നീട് വീണ്ടും ഷട്ടറുകള്‍ തുറന്നു.
പ്രതികരിക്കാൻ ഇവിടെ എഴുതുക