കോട്ടയം: കേരള സാഹിത്യ അക്കാദമി ഉദാരമനസോടെ സമ്മാനിച്ച സി ബി കുമാര് എന്ഡോവ്മെന്റ് അവാര്ഡ് നിരസിക്കുന്നതായി സിപി എം സംസ്ഥാന സെക്രട്ടേറിയറ്റ് അംഗം കൂടിയായ എം സ്വരാജ്. ഫേസ് ബുക്കിലെ കുറിപ്പിലാണ് ഇക്കാര്യം സ്വരാജ് വെളിപ്പെടുത്തിയത്.
ഒരു വിധത്തിലുമുള്ള പുരസ്കാരങ്ങളും സ്വീകരിക്കില്ലെന്നത് വളരെ മുമ്പ് തന്നെയുള്ള നിലപാടാണെന്നും ചില ട്രസ്റ്റുകളും സമിതികളും മറ്റും പുരസ്കാരങ്ങള്ക്ക് പരിഗണിച്ചപ്പോള് തന്നെ ഈ നിലപാട് അവരെ അറിയിച്ചിരുന്നുവെന്നും സ്വരാജ് കുറിപ്പില് വ്യക്തമാക്കുന്നുണ്ട്. എന്നാല് സ്വന്തം സ്ഥാപനമായ സാഹിത്യ അക്കാദമിയുടെ എന്ഡോവ്മെന്റ് അവാര്ഡ് ലഭിച്ച ശേഷമാണ് തിരസ്കരിച്ചുകൊണ്ടുള്ള പ്രസ്താവന വന്നിരിക്കുന്നത്.
അവാര്ഡിന് അര്ഹമായ സ്വരാജിന്റെ ‘പൂക്കളുടെ പുസ്തകം’ എന്ന പുസ്തകത്തില് വിക്കിപീഡിയയില് നിന്നും മറ്റും അതേപടി പകര്ത്തിയ ഒട്ടേറെ അബദ്ധങ്ങള് ഉണ്ടെന്ന വ്യാപക വിമര്ശനം സാഹിത്യ ലോകത്തു നിറഞ്ഞു നില്ക്കെയാണ് അവാര്ഡ് വാര്ത്ത പുറത്തുവന്നത്. കാളിദാസന്റെ മാളിവികാഗ്നിമിത്രം എന്ന നാടകത്തിലേതെന്ന പേരില് കൃമിശല്യത്തിനുള്ള മരുന്നുമായി ബന്ധപ്പെട്ട ശ്േളാകം പകര്ത്തി വച്ചുവെന്ന കണ്ടെത്തലുകളും മറ്റും വ്യാപകമായി പരിഹസിക്കപ്പെട്ടിരുന്നു.
‘അബദ്ധപഞ്ചാംഗ’മെന്ന് പരിഹസിക്കപ്പെട്ട ‘പൂക്കളുടെ പുസ്തക’ത്തിനുള്ള അക്കാദമി അവാര്ഡ് നിരസിച്ച് എം സ്വരാജ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.