വയനാട് : വില്ലേജ് ഓഫീസറെയും സംഘത്തെയും തടഞ്ഞെന്ന പരാതിയില്‍ ചൂരല്‍മല സ്വദേശികള്‍ക്കെതിരെ കേസെടുത്ത് പൊലീസ് . വെള്ളാര്‍മല വില്ലേജ് ഓഫീസര്‍ എ.അജീഷിന് മര്‍ദനമേറ്റെന്ന പരാതിയില്‍ ആറു പേര്‍ക്കെതിരെ ജാമ്യമില്ലാ വകുപ്പ് പ്രകാരം മേപ്പാടി പൊലീസ് കേസെടുത്തു.
കനത്ത മഴയില്‍ ജോലിയില്ലാതാകുന്ന ഉരുള്‍പൊട്ടല്‍ ദുരന്തബാധിതരായ തൊഴിലാളികള്‍ക്ക് ദിനബത്തയായി 300 രൂപ അനുവദിക്കണമെന്ന് ആവശ്യമുണ്ട്.എന്നാല്‍ വില്ലേജ് ഓഫീസര്‍ തെറ്റായ റിപ്പോര്‍ട്ട് നല്‍കിയെന്ന് ആരോപിച്ചാണ് പ്രതിഷേധം.
ഇതിനിടെ വെള്ളാര്‍മല വില്ലേജ് ഓഫീസര്‍ക്ക് നേരെ കൈയേറ്റ ശ്രമമുണ്ടായി.ഉരുള്‍പൊട്ടല്‍ ധനസഹായവുമായി ബന്ധപ്പെട്ട് സര്‍ക്കാര്‍ വാക്ക് പാലിച്ചില്ലെന്നാണ് നാട്ടുകാര്‍ കുറ്റപ്പെടുത്തുന്നത്.ധനസഹായം വിതരണം ചെയ്തതില്‍ പിഴവ് ഉണ്ടായെന്നും സുരക്ഷിതമല്ലാത്ത സ്ഥലങ്ങള്‍ പോലും സുരക്ഷിതമെന്ന് അറിയിച്ചാണ് ജനങ്ങളെ താമസിപ്പിച്ചതെന്നും നാട്ടുകാര്‍ പറയുന്നു.
പ്രതികരിക്കാൻ ഇവിടെ എഴുതുക