കരുനാഗപ്പള്ളി: ഫ്രഞ്ച് അംബാസിഡര് എം. തിയറി മാത്തൗ മാതാ അമൃതാനന്ദമയി മഠം സന്ദര്ശിച്ചു. ആശ്രമത്തിലെത്തി അമ്മയുമായി കൂടിക്കാഴ്ച നടത്തിയ അദ്ദേഹം ആരോഗ്യമേഖലയുമായും വിദ്യാഭ്യാസ മേഖലയുമായും ബന്ധപ്പെട്ട പ്രവര്ത്തനങ്ങളില് അമൃതയുമായി സഹകരിച്ച് പ്രവര്ത്തിക്കാന് തയ്യാറാണെന്ന് അറിയിച്ചു. ആദ്യഘട്ടമെന്ന നിലയില് ഫരീദാബാദില് പ്രവര്ത്തിക്കുന്ന അമൃത ഹോസ്പിറ്റലുമായാണ് ഫ്രഞ്ച് എംബസി സഹകരിച്ചു പ്രവര്ത്തിക്കുക. ഇത് സംബന്ധിച്ച ധാരണാപത്രത്തില് അമൃത വിശ്വവിദ്യാപീഠവും ഫ്രഞ്ച് എംബസിയും ഒപ്പുവച്ചിട്ടുണ്ട്.
പോണ്ടിച്ചേരി ഫ്രഞ്ച് ജനറല് കോണ്സല് എം. എറ്റിനെ റോളണ്ട് പീഗ് ഉള്പ്പെടെയുള്ള എംബസി അധികൃതരുമായി അമൃതപുരി ആശ്രമത്തിലെത്തിയ തിയറി മാത്തൗ ഫ്രാന്സില് നിന്നുള്ള ആശ്രമ അന്തേവാസികളുമായും സംവദിച്ചു.
