‘എന്റെ തോളിൽ എന്റെ ത്രിവർണ്ണ പതാക, ജയ് ഹിന്ദ്, ജയ് ഭാരത്’ ; ശുഭാൻഷു ശുക്ലയുടെ ആദ്യ സന്ദേശം

ന്യൂഡൽഹി ; ഇന്ത്യൻ ബഹിരാകാശ യാത്രികൻ ശുഭാംശു ശുക്ലയുടെ ആദ്യ സന്ദേശം പുറത്ത് . ഭാരതീയർക്ക് നന്ദി പറഞ്ഞാണ് ബഹിരാകാശത്ത് നിന്നുള്ള അദ്ദേത്തിന്റെ സന്ദേശം . ബഹിരാകാശ ദൗത്യത്തിനെ പിന്തുണയ്‌ക്കുന്ന എല്ലാ ഭാരതീയർക്കും നന്ദി പറഞ്ഞാണ് സന്ദേശം.

‘ 41 വർഷങ്ങൾക്ക് ശേഷം നമ്മൾ ബഹിരാകാശത്ത് തിരിച്ചെത്തിയിരിക്കുന്നു. ഇതൊരു അത്ഭുതകരമായ യാത്രയാണ്. സെക്കൻഡിൽ 7.5 കിലോമീറ്റർ വേഗതയിൽ നമ്മൾ ഭൂമിയെ ചുറ്റുകയാണ്. എന്റെ തോളിലെ എന്റെ ത്രിവർണ്ണ പതാക എന്നോട് പറയുന്നത് ഞാൻ നിങ്ങളോടൊപ്പമുണ്ടെന്ന്. അന്താരാഷ്‌ട്ര ബഹിരാകാശ നിലയത്തിലേക്കുള്ള (ISS) എന്റെ യാത്രയുടെ തുടക്കമല്ല ഇത്, ഇന്ത്യയുടെ മനുഷ്യ ബഹിരാകാശ പദ്ധതിയുടെ തുടക്കമാണിത്. നിങ്ങളെല്ലാവരും ഈ യാത്രയുടെ ഭാഗമാകണമെന്ന് ഞാൻ ആഗ്രഹിക്കുന്നു. നിങ്ങളുടെ നെഞ്ചും അഭിമാനത്താൽ നിറയണം. നമുക്കെല്ലാവർക്കും ഒരുമിച്ച് ഇന്ത്യയുടെ മനുഷ്യ ബഹിരാകാശ പദ്ധതി ആരംഭിക്കാം. ജയ് ഹിന്ദ്! ജയ് ഭാരത്!” ശുഭാംശു ശുക്ലയുടെ സന്ദേശം ഇങ്ങനെയാണ്.

ഫ്ലോറിഡയിൽ നാസയുടെ കെന്നഡി സ്പേസ് സെന്ററിൽനിന്ന് ഇന്ത്യൻ സമയം ഉച്ചയ്‌ക്കു 12:01നായിരുന്നു ആക്സിയം-4 വിക്ഷേപണം. യുഎസിനെക്കൂടാതെ ഹംഗറി, പോളണ്ട് എന്നിവിടങ്ങളിൽനിന്നുള്ള ബഹിരാകാശ യാത്രികരുമുണ്ട്. വ്യാഴാഴ്ച ഇന്ത്യൻ സമയം വൈകിട്ട് 4.30നു രാജ്യാന്തര ബഹിരാകാശനിലയത്തിലെത്തും.41 വർഷത്തിനു ശേഷമാണ് ഒരു ഇന്ത്യൻ പൗരൻ ബഹിരാകാശത്തെത്തുന്നത്. 14 ദിവസം ശുഭാംശുവും സംഘവും ബഹിരാകാശനിലയത്തിൽ വിവിധ പരീക്ഷണങ്ങളിൽ ഏർപ്പെടും. കൃഷി, ഭക്ഷണം, ജീവശാസ്ത്രം എന്നീ മേഖലകളിൽ ശുഭാംശു ശുക്ല ഏഴ് പരീക്ഷണങ്ങൾ നടത്തും.