ദോഹ: ഖത്തറിലെ യുഎസ് സൈനിക താവളങ്ങള്ക്ക് നേരെ ഇറാന്റെ ആക്രമണം. പത്തോളം മിസൈലുകളാണ് ഇറാന് പ്രയോഗിച്ചത്. അമേരിക്കയ്ക്കെതിരെ സൈനിക നടപടി തുടങ്ങിയെന്ന് ഇറാന് അറിയിച്ചു.
അതേസമയം ഇറാന്റെ മിസൈലുകള് തകര്ത്തതായി ഖത്തര് അറിയിച്ചു.ഇറാന് ആക്രമണങ്ങളെ ഖത്തര് അപലപിക്കുകയും ചെയ്തു.
ആക്രമണ പശ്ചാത്തലത്തില് ഖത്തറിലെ ഇന്ത്യക്കാര് പുറത്തിറങ്ങരുതെന്നാണ് നിര്ദേശം നല്കി.അധികൃതര് നല്കുന്ന നിര്ദേശങ്ങള് അനുസരിക്കണമെന്നും ആവശ്യപ്പെട്ടിട്ടുണ്ട്.
ഇറാക്കിലെ അമേരിക്കന് താവളവും ഇറാന് ആക്രമിച്ചെന്ന് റിപ്പോര്ട്ട് ഉണ്ട്. ബഹ്റൈനില് സുരക്ഷാ സൈറന് മുഴങ്ങി. സുരക്ഷാ സ്ഥാനങ്ങളിലിരിക്കാന് ജനങ്ങള്ക്ക് നിര്ദേശം നല്കി.
ആക്രമണത്തിന്റെ പശ്ചാത്തലത്തില് വ്യോമപാതയില് വിമാനങ്ങള്ക്ക് നിയന്ത്രണം ഏര്പ്പെടുത്തിയതായി ഖത്തര് അറിയിച്ചു.
അതേസമയം ഖത്തറുമായി പ്രശ്നങ്ങളില്ലെന്ന് ഇറാന് അറിയിച്ചു.സഹോദര രാഷ്ട്രങ്ങളെ ആക്രമിക്കുക ലക്ഷ്യമല്ല.അമേരിക്കന് സൈനിക താവളങ്ങളെയാണ് ആക്രമിച്ചത്.
നേരത്തേ ഇറാന്റെ ആണവ കേന്ദ്രങ്ങളില് അമേരിക്ക ആക്രമണം നടത്തിയിരുന്നു. ഇസ്രായേലും ഇറാന് ആണവ കേന്ദ്രങ്ങള് ആക്രമിച്ചു.
