ആയത്തൊള്ള ഖമേനിയുടെ കുപ്രസിദ്ധമായ എവിന്‍ ജയില്‍ തകര്‍ത്തെറിഞ്ഞ് ഇസ്രയേല്‍; ഇത് ഇറാന്‍ ഭരണത്തെ വിമര്‍ശിക്കുന്നവരെ തള്ളുന്ന ജയില്‍

ടെഹ് റാന്‍ : ഇറാന്‍ സര്‍ക്കാരിനെ വിമര്‍ശിക്കുന്ന വിദേശപൗരന്മാരെയും ഇരട്ടപൗരത്വമുള്ളവരേയും അറസ്റ്റ് ചെയ്ത് തള്ളുന്ന ആയത്തൊള്ള ഖമേനിയുടെ കുപ്രസിദ്ധമായ എവിന്‍ ജയില്‍ തകര്‍ത്ത് ഇസ്രയേല്‍. ഇറാന്‍ സര്‍ക്കാരിനെയും ആയത്തൊള്ള ഖമനേയിയെയും വിമര്‍ശിക്കുന്ന രാഷ്‌ട്രീയത്തടവുകാര്‍, ജേണലിസ്റ്റുകള്‍, മനുഷ്യാവകാശ പ്രവര്‍ത്തകര്‍, അക്കാദമിക വിദഗ്ധര്‍ എന്നിവരെ തടവില്‍ ഇടാന്‍ ഉപയോഗിക്കുന്ന കുപ്രസിദ്ധ ജയിലാണ് എവിന്‍ ജയില്‍.

ഇസ്രയേല്‍ യുദ്ധവിമാനങ്ങള്‍ അയച്ച മിസൈലേറ്റ് എവിന്‍ ജയിലിന്റെ ഗേറ്റുകള്‍ തകര്‍ത്തതായി ഇസ്രയേല്‍ പ്രതിരോധ സേന അറിയിച്ചു. ഇതിന്റെ വിശദമായ വീഡിയോയും ഇസ്രയേല്‍ പുറത്തുവിട്ടു. എവിന്‍ ജയിലിലേക്കുള്ള പ്രവേശന കവാടം തകര്‍ന്നുവീഴുന്നതായി വീഡിയോയില്‍ കാണാം.

Oh wow. Israel’s Foreign Minister posted a video of Israel striking the entrance to Iran’s Evin prison where the regime locks up political prisoners, journalists, academics, human rights activists, and others.pic.twitter.com/BHpFsaJS52

— Aviva Klompas (@AvivaKlompas) June 23, 2025

ഇറാന്‍ തലസ്ഥാനമായ ടെഹ്റാനടുത്താണ് എവിന്‍ ജയില്‍. ഇറാന്‍ സര്‍ക്കാരിനെ വിമര്‍ശിക്കുന്ന വിദേശപൗരന്മാരെ കൊണ്ടിടുന്ന കുപ്രസിദ്ധ ജയിലായാണ് എവിന്‍ ജയില്‍. പലപ്പോഴും ഇറാന്‍ പ്രസിഡന്‍റ് ആയത്തൊള്ള ഖമനേയി പാശ്ചാത്യരാജ്യങ്ങളുമായി വിലപേശാന്‍ എവിന്‍ ജയിലിലെ തടവുകാരെ ഉപയോഗിക്കാറുള്ളതായി പറയുന്നു.

എവിന്‍ ജയില്‍ ഉള്‍പ്പെടെ ടെഹ്റാനിലെ ഇറാന്‍ സര്‍ക്കാര്‍ സ്ഥാപനങ്ങളെ മുഴുവന്‍ മിസൈല്‍ ആക്രമണത്തില്‍ ലക്ഷ്യം വെച്ചിരുന്നതായി ഇസ്രയേല്‍ പ്രതിരോധസേന പറഞ്ഞു.