കൊല്ലം: കൊല്ലം കോര്‍പ്പറേഷന്‍ പരിധിയിലുള്ള സുനാമി ഫ്ളാറ്റുകളില്‍ ആള്‍ താമസമില്ലാതെ ഒഴിഞ്ഞുകിടക്കുന്ന 116 ഫ്ളാറ്റുകളില്‍ നിന്നും അനുയോജ്യമായവ ഭൂ-ഭവനരഹിത പട്ടികയിലെ ഗുണഭോക്താക്കള്‍ക്ക് അതിദാരിദ്ര്യ നിര്‍മ്മാര്‍ജന പദ്ധതിയില്‍ ഉള്‍പ്പെടുത്തി അനുവദിക്കുന്നതിന് നടപടി തുടങ്ങി. ഒഴിഞ്ഞുകിടക്കുന്നതായി കണ്ടെത്തിയ ഫ്ളാറ്റുകളുടെ വിവരങ്ങളുടെ പട്ടിക കൊല്ലം താലൂക്ക്, മുന്‍സിപ്പല്‍ കോര്‍പ്പറേഷന്‍, ഇരവിപുരം വില്ലേജ്, ശക്തികുളങ്ങര വില്ലേജ്, ബന്ധപ്പെട്ട സുനാമി ഫ്ളാറ്റുകള്‍ എന്നിവിടങ്ങളില്‍ പതിച്ചിട്ടുണ്ട്. ഇത് പരിശോധിച്ച് ഫ്ളാറ്റുകള്‍ക്ക് അനുവാദ പത്രിക ലഭിച്ചവര്‍ നോട്ടീസ് തീയതി മുതല്‍ ഏഴ് ദിവസത്തിനുള്ളില്‍ രേഖകള്‍ സഹിതം ബന്ധപ്പെട്ട ഉദ്യോഗസ്ഥര്‍ മുമ്പാകെ ഹാജരാകണം. സമയപരിധിക്ക് ശേഷം സമര്‍പ്പിക്കുന്ന രേഖകള്‍ പരിഗണിക്കില്ലെന്നും, രേഖകള്‍ ഹാജരാക്കാത്ത ഫ്ളാറ്റുകള്‍ അര്‍ഹരായ മറ്റ് ഗുണഭോക്താക്കള്‍ക്ക് അനുവദിക്കുമെന്നും ജില്ലാ കലക്ടര്‍ അറിയിച്ചു. ഫോണ്‍: 0474 2794002, 2794004.
11 വര്‍ഷങ്ങള്‍ക്ക് മുമ്പാണ് കൊല്ലത്തിന്റെ തീരദേശ മേഖലകളിലും കൊല്ലം തോടിന്റെ ഇരുകരകളിലുമായി താമസിച്ചിരുന്നവരെയും സുനാമി പുനരധിവാസ ഫ്‌ളാറ്റുകളിലേക്ക് മാറ്റിപ്പാര്‍പ്പിച്ചത്.
പ്രതികരിക്കാൻ ഇവിടെ എഴുതുക