മലപ്പുറം: പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ചു ഗര്‍ഭിണിയാക്കിയ കേസില്‍ വിവാഹിതനായ യുവാവ് അറസ്റ്റില്‍. കേസില്‍ ഒളിവിലായിരുന്ന മലപ്പുറം മങ്ങാട്ടുപുലത്തെ കല്ലന്‍കുന്നന്‍ മുഹമ്മദ് ഫാരിഷ്(29)ആണ് പിടിയിലായത്. മുന്‍പ് വിദേശത്തായിരുന്ന ഇയാള്‍ നാലുവയസ്സുള്ള പെണ്‍കുട്ടിയുടെ പിതാവുമാണ്.
ആഡംബര ബൈക്കുകളില്‍ സ്‌കൂളുകള്‍ കേന്ദ്രീകരിച്ചു കറങ്ങി നടന്ന് അവിവാഹിതനാണെന്ന വ്യാജേന പെണ്‍കുട്ടികളെ വശീകരിച്ച് കൂട്ടിക്കൊണ്ടുപോവുകയും വാടകമുറികളില്‍ എത്തിച്ച് പീഡിപ്പിക്കുകയുമാണ് ഇയാളുടെ രീതിയെന്ന് പൊലീസ് പറഞ്ഞു. പെണ്‍കുട്ടികളെ ഭീഷണിപ്പെടുത്തി പണം വാങ്ങിയെടുത്തതായും പരാതിയുണ്ട്. വശീകരിച്ചു കൂട്ടിക്കൊണ്ടുപോയി ഒരു പെണ്‍കുട്ടികളിലൊരാള്‍ ഗര്‍ഭിണിയായപ്പോള്‍ മെഡിക്കല്‍ഷോപ്പില്‍ നിന്ന് മരുന്നുവാങ്ങി നല്‍കി ഗര്‍ഭം അലസിപ്പിക്കുകയായിരുന്നു. ഈ കേസിലാണ് ഇപ്പോള്‍ അറസ്റ്റിലായത്. സമൂഹമാധ്യമങ്ങള്‍ വഴിയും ഇയാള്‍ പെണ്‍കുട്ടികളെ വശീകരിച്ചിട്ടുള്ളതായി പോലീസ് പറയുന്നു.
പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ചു ഗര്‍ഭിണിയാക്കിയ കേസില്‍ വിവാഹിതനായ യുവാവ് അറസ്റ്റില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: