മുംബയ് : ചെങ്ങന്നൂര്‍ സ്വദേശികളായ വിനോദ് പിള്ള, ഭാര്യ സുഷമ എന്നിവര്‍ മുംബയില്‍ വാഹനാപകടത്തില്‍ മരിച്ചു. ഇരുവരും സഞ്ചരിച്ച സ്‌കൂട്ടറില്‍ കാറിടിച്ചാണ് അപകടം.
മുംബൈയ്‌ക്ക് സമീപം നേരലിലാണ് അപകടമുണ്ടായത്. താനെയുടേയും റായ്ഗഡിന്റേയും അതിര്‍ത്തിയിലാണ് നേരല്‍. വെളളിയാഴ്ച പകലാണ് അപകടം ഉണ്ടായത്. മറ്റൊരു വാഹനത്തെ മറികടക്കുന്നതിനിടെ ദമ്പതികള്‍ സഞ്ചരിച്ച സ്‌കൂട്ടറില്‍ കാര്‍ ഇടിക്കുകയായിരുന്നു.
തെറിച്ചുവീണ ഇരുവരെയും നാട്ടുകാര്‍ ഉടന്‍ തന്നെ തൊട്ടടുത്തുള്ള സ്വകാര്യ ആശുപത്രിയില്‍ എത്തിച്ചു. എന്നാല്‍ ആശുപത്രിയിലേക്ക് കൊണ്ടുപോകുന്ന വഴിക്ക് തന്നെ വിനോദ് പിള്ള മരിച്ചു. മണിക്കൂറുകള്‍ക്കുള്ളില്‍ സുഷമയും മരിച്ചു. മൃതദേഹങ്ങള്‍ സിവില്‍ ആശുപത്രിയില്‍.
പ്രതികരിക്കാൻ ഇവിടെ എഴുതുക