കോട്ടയം: തന്നെ വിളിക്കാത്തതു കൊണ്ടാണ് നിലമ്പൂര്‍ ഉപതിരഞ്ഞെടുപ്പില്‍ പ്രചാരണത്തിന് എത്താതിരുന്നതെന്ന ശശിതരൂര്‍ എം പിയുടെ പ്രതികരണത്തെ പരിഹസിച്ച് കോണ്‍ഗ്രസ് നേതാവ് രാജ്‌മോഹന്‍ ഉണ്ണിത്താന്‍.
നിലമ്പൂരില്‍ നടക്കുന്നത് ആരുടേയും സംബന്ധമല്ലെന്നും കോണ്‍ഗ്രസിനോടു കൂറുള്ളവരെല്ലാം വിളിക്കാതെ വന്നുവെന്നും ഉണ്ണിത്താന്‍ പറഞ്ഞു. കുറേക്കാലമായി ശശി തരൂരിന്‌റെ കൂറ് മോദിയോടും ശരീരം കോണ്‍ഗ്രസിനോടുമൊപ്പമാണ്. അതെല്ലാവര്‍ക്കുമറിയാം. വ്യക്തി താല്‍പ്പര്യം മാത്രമാണ് തരൂരിനുള്ളത്. പാര്‍ട്ടിയോടോ അദ്‌ദേഹത്തെ വിജയിപ്പിച്ച പ്രവര്‍ത്തകരോടോ കൂറില്ലാത്തയാളാണ്.
രാജ്യതാല്‍പര്യമെന്നൊക്കെ പറയുന്നത് ഒരു തമാശയാണ്. എത്ര വളര്‍ന്നാലും നെഹ്‌റു കുടുംബത്തോളം പ്രതിച്ഛായയൊന്നും തരൂരിനില്ലെന്നും രാജ് മോഹന്‍ ഉണ്ണിത്താന്‍ ഒരു ചാനലിനു നല്‍കിയ പ്രതികരണത്തില്‍ പറഞ്ഞു.
പ്രതികരിക്കാൻ ഇവിടെ എഴുതുക: