പയ്യന്നൂര്‍: സര്‍വീസില്‍ നിന്നും വിരമിച്ച സബ് ഇന്‍സ്‌പെക്ടറെ അപമാനിച്ച് വാട്ട്‌സ്ആപ് സ്റ്റാറ്റസിട്ട മറ്റൊരു സബ് ഇന്‍സ്‌പെക്ടറെ സസ്പന്‍ഡ് ചെയ്തു.പയ്യന്നൂര്‍ പൊലീസ് സ്റ്റേഷനിലെ മനോജ് കുമാറിനെയാണ് ഡിഐജി യതീഷ് ചന്ദ്ര സസ്‌പെന്‍ഡ് ചെയ്തത്.
കഴിഞ്ഞ ഏപ്രില്‍ 30ന് വിരമിച്ച എന്‍.പി. കൃഷ്ണനെ അപമാനിച്ച് വിരമിക്കുന്ന അതേ ദിവസം തന്നെ മനോജ് കുമാര്‍ വാട്ട്‌സ്ആപ് സ്റ്റാറ്റസ് ഇടുകയായിരുന്നു. ”ലഭ്യമായ ജീവിത സൗകര്യങ്ങളില്‍ മറ്റു ജീവനുകള്‍ക്ക് പ്രസക്തി കൊടുക്കാതെ ജോലിയില്‍ പ്രതികാരം മാത്രം കണക്കാക്കി തീര്‍പ്പാക്കുന്ന വ്യക്തികളോട് ഒന്നു മാത്രമേ പറയാനുള്ളു. നാളെ നീ എന്ന വ്യക്തിയും പടിയിറങ്ങും. അത് കാലത്തിന്റെ നീതി. കാലം അത് ഭംഗിയായി നടപ്പാക്കും. കൃഷ്ണന്റെ ഫോട്ടോ ഉള്‍പ്പെടെയാണ് മനോജ് സ്റ്റാറ്റസിട്ടത്.
തുടര്‍ന്ന് കൃഷ്ണന്‍ പരാതി നല്‍കി. പയ്യന്നൂര്‍ ഡിവൈഎസ്പി സമര്‍പ്പിച്ച അന്വേഷണ റിപ്പോര്‍ട്ട് പരിഗണിച്ചാണ് മനോജിനെ സസ്‌പെന്‍ഡ് ചെയ്തത്. കണ്ണൂര്‍ റൂറല്‍ എസ്പിയെ തുടരന്വേഷണം നടത്തും.
പ്രതികരിക്കാൻ ഇവിടെ എഴുതുക: