വാഷിംഗ്ടൺ : ഇറാന്റെ പരമോന്നത നേതാവ് അയത്തുള്ള അലി ഖൊമേനി കീഴടങ്ങണമെന്ന് യുഎസ് പ്രസിഡന്റ് ഡൊണാൾഡ് ട്രംപ് . ഖമേനിയുടെ പേര് അദ്ദേഹം പരാമർശിച്ചിട്ടില്ലെങ്കിലും, ‘സുപ്രീം ലീഡർ’ എന്ന് എഴുതിയാണ് ട്രംപ് കുറിപ്പ് പോസ്റ്റ് ചെയ്തിരിക്കുന്നത്. ഇതിൽ, ‘സുപ്രീം ലീഡർ’ എന്ന് വിളിക്കപ്പെടുന്നയാൾ എവിടെയാണ് ഒളിച്ചിരിക്കുന്നതെന്ന് ഞങ്ങൾക്ക് നന്നായി അറിയാമെന്നും ട്രംപ് പറഞ്ഞു.
‘ അദ്ദേഹം എളുപ്പമുള്ള ലക്ഷ്യമാണ്. ഞങ്ങൾ അദ്ദേഹത്തെ കൊല്ലില്ല, പക്ഷേ, സാധാരണക്കാർക്കോ അമേരിക്കൻ സൈനികർക്കോ നേരെ മിസൈലുകൾ തൊടുക്കാൻ ഞങ്ങൾ ആഗ്രഹിക്കുന്നില്ല. ഞങ്ങളുടെ ക്ഷമ നശിച്ചുകൊണ്ടിരിക്കുകയാണ്. ‘സുപ്രീം ലീഡർ’ നിരുപാധികം കീഴടങ്ങണം ‘ ട്രംപ് ആവശ്യപ്പെട്ടു.
അതേസമയം, ഇസ്രായേലിന്റെയും അമേരിക്കയുടെയും പിന്തുണയോടെ, റെസ പഹ്‌ലവി ഇറാനിയൻ സിംഹാസനം ഏറ്റെടുക്കുന്നതിനുള്ള ഒരുക്കങ്ങൾ ആരംഭിച്ചതായി പറയപ്പെടുന്നു.
പ്രതികരിക്കാൻ ഇവിടെ എഴുതുക: