തിരുവനന്തപുരം: സംസ്ഥാനത്തെ സ്കൂളുകളിലെ ഉച്ചഭക്ഷണ മെനു ശാസ്ത്രീയമായി പരിഷ്കരിക്കാന് നിയോഗിച്ച വിദഗ്ധ സമിതി നിര്ദേശങ്ങള് സമര്പ്പിച്ചതായി മന്ത്രി വി. ശിവന്കുട്ടി അറിയിച്ചു. പച്ചക്കറികള്ക്ക് ബദലായി മൈക്രോ ഗ്രീനുകള് മാസത്തില് ഒന്നോ രണ്ടോ ദിവസം ഉള്പ്പെടുത്തും. ഇലക്കറികളില് പയര്/പരിപ്പ് ചേര്ക്കും.
ആഴ്ചയില് ഒരു ദിവസം ഫോര്ട്ടിഫൈഡ് അരി ഉപയോഗിച്ച് വെജിറ്റബിള് ഫ്രൈഡ് റൈസ്, ലെമണ് റൈസ്, വെജ് ബിരിയാണി എന്നിവ നല്കും. പുതിന, ഇഞ്ചി, നെല്ലിക്ക, പച്ചമാങ്ങ എന്നിവ ചേര്ത്ത ചമ്മന്തി തൊടുകറിയായി വിളമ്പും. ചെറുധാന്യങ്ങള് ഉള്പ്പെടുത്തി റാഗി ബോള്സ്, റാഗി കൊഴുക്കട്ട, കാരറ്റ് പായസം തുടങ്ങിയ വിഭവങ്ങള് മെനുവില് ഉള്പ്പെടുത്തി.
