ഭുവനേശ്വര്‍: ഒഡിഷയില്‍ ആണ്‍ സുഹൃത്തിനൊപ്പം ബീച്ചിലെത്തിയ കോളേജ് വിദ്യാര്‍ത്ഥിനിയെ കൂട്ടബലാത്സംഗം ചെയ്ത കേസില്‍ 10 പേര്‍ അറസ്റ്റില്‍. ഒഡിഷയിലെ ഗോപാല്‍പൂര്‍ ബീച്ചിലായിരുന്നു സംഭവം. സമീപജില്ലയിലെ ഹോസ്റ്റലിലെ അന്തേവാസിയാണ് വിദ്യാര്‍ത്ഥിനി. പ്രതികളെല്ലാം സമീപവാസികളാണ്.
ആണ്‍ സുഹൃത്തിനൊപ്പം ബീച്ചിലെ ആളൊഴിഞ്ഞ പ്രദേശത്ത് ഇരിക്കുകയായിരുന്ന വിദ്യാര്‍ത്ഥിനിയുടെയും സുഹൃത്തിന്‌റയും ചിത്രങ്ങള്‍ പ്രതികള്‍ പകര്‍ത്തുകയും പണം നല്‍കിയില്ലെങ്കില്‍ ചിത്രങ്ങള്‍ വൈറലാക്കുമെന്ന് ഭീഷണിപ്പെടുത്തുകയും ചെയ്തു. പിന്നീട് ആണ്‍ സുഹൃത്തിനെ കെട്ടിയിട്ടശേഷം ബലാത്സംഗം ചെയ്യുകയായിരുന്നു. ഗഞ്ചം ജില്ലയിലെ ഗോപാല്‍പൂര്‍ ബീച്ച് പ്രശസ്തമായ ബീച്ച് റിസോര്‍ട്ട് പട്ടണങ്ങളില്‍ ഒന്നാണ്.
‘ സംഭവത്തില്‍ സമഗ്രമായ അന്വേഷണത്തിനും ഭാവിയില്‍ ഇത്തരം കുറ്റകൃത്യങ്ങള്‍ ആവര്‍ത്തിക്കാതിരിക്കാന്‍ ആവശ്യമായ നടപടികള്‍ക്കും ഉത്തരവിട്ടിട്ടുണ്ടെന്ന് ഉപമുഖ്യമന്ത്രി പ്രവതി പരിദ തന്റെ എക്‌സില്‍ വ്യക്തമാക്കി.
ആണ്‍ സുഹൃത്തിനെ കെട്ടിയിട്ടശേഷം കോളേജ് വിദ്യാര്‍ത്ഥിനിയെ കൂട്ടബലാത്സംഗം ചെയ്ത 10 പേര്‍ അറസ്റ്റില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: