മുകേഷ് അംബാനി സ്വന്തമാക്കിയ ന്യൂയോർക്കിലെ പ്രീമിയം ആഡംബര ഹോട്ടലായ മന്ദാരിൻ ഓറിയന്‍റൽ (ഇടത്ത്)
മുംബൈ: പാമ്പാട്ടികളുടെയും കുഷ്ഠരോഗികളുടെയും പട്ടിണിപ്പാവങ്ങളുടേയും ഇന്ത്യ എന്ന് പണ്ട് ബ്രിട്ടീഷുകാര്‍ വിശേഷിപ്പിച്ച ഇന്ത്യയല്ല ഇന്നത്തേത്.സമ്പന്നതയിലേക്ക് കുതിക്കുന്ന, വികസിതരാജ്യമാറി മാറാന്‍ കുതിക്കുന്ന, ലോകത്തിലെ മൂന്നാമത്തെ സമ്പദ്ഘടനയായ ഇന്ത്യയിലെ ബിസിനസുകാരും മാറിയിരിക്കുന്നു. ആഗോളബിസിനസ് സാമ്രാജ്യം സ്വപ്നം കാണുന്നവരാണ് ഇവര്‍.
ഏഷ്യയിലെ ഏറ്റവും ധനികനായ വ്യക്തിയായ മുകേഷ് അംബാനി ആഡംബര റിയൽ എസ്റ്റേറ്റിലേക്ക്. ലണ്ടനിലെ ചരിത്രപ്രസിദ്ധമായ സ്റ്റോക്ക് പാർക്ക് പ്രോപ്പർട്ടി ഈയിടെ മുകേഷ് അംബാനി ഏറ്റെടുത്തിരുന്നു. അതിന് പിന്നാലെ മുകേഷ് അംബാനിയുടെ കമ്പനി ന്യൂയോർക്കിലെ പ്രീമിയം ആഡംബര ഹോട്ടൽ മന്ദാരിൻ ഓറിയന്‍റൽ വാങ്ങിയിരിക്കുകയാണ്. 9.8 കോടി ഡോളറിനാണ് മുകേഷ് അംബാനിയുടെ റിലയന്‍സ് ഈ ആഡംബര ഹോട്ടലിന്റെ 73 ശതമാനം ഓഹരി സ്വന്തമാക്കിയത്. റിലയന്‍സ് ഇന്‍ഡസ്ട്രിയല്‍ ഇന്‍വെസ്റ്റ് മെന്‍റ് ആന്‍റ് ഹോള്‍ഡിംഗ്സ് ലിമിറ്റഡ് എന്ന റിലയന്‍സിന്റെ സഹോദരസ്ഥാപനത്തിന്റെ പേരിലാണ് ഈ ഇടപാട് നടന്നത്.
ഒരു ദിവസം റൂമിന് 10 ലക്ഷം വരെ ചെലവഴിക്കുന്ന ഹോളിവുഡ് താരങ്ങള്‍
സ്റ്റോക്ക് പാർക്കിൽ നിന്ന് വ്യത്യസ്തമാണെങ്കിലും, ഹോളിവുഡ് സെലിബ്രിറ്റികൾക്ക് പ്രിയപ്പെട്ട സ്ഥലമെന്ന നിലയിൽ ഇതിന് അതിന്‍റേതായ മൂല്യമുണ്ട്.മന്ദാരിൻ ഓറിയന്‍റൽ വെബ്‌സൈറ്റ് അനുസരിച്ച്, ഹോളിവുഡ് താരങ്ങൾക്ക് പ്രിയപ്പെട്ട സ്ഥലമാണ് ഈ ഹോട്ടൽ. ഐറിഷ് നടൻ ലിയാം നീസൺ, അമേരിക്കൻ നടി ലൂസി ലിയു തുടങ്ങിയ വന്‍ സെലിബ്രിറ്റികള്‍ ഇവിടുത്തെ സന്ദര്‍ശകരുടെ പട്ടികയില്‍ ഉൾപ്പെടുന്നു. ഹഡ്‌സൺ നദിയുടെ മനോഹരദ്യശ്യങ്ങളിലേക്ക് വാതില്‍ തുറക്കുന്ന മുറികുള്ള ഈ ഹോട്ടലില്‍ 35 മുതൽ 54 വരെ നിലകളാണ്.
റൂം ചാര്‍ജ് ഒരു രാത്രിക്ക് 10 ലക്ഷം രൂപ വരെ
പ്രശസ്തമായ സെൻട്രൽ പാർക്കിനും കൊളംബസ് സർക്കിളിനും സമീപമാണ് ഇത് സ്ഥിതി ചെയ്യുന്നത്. 2003 ൽ ഇത് തുറന്നു. 248 മുറികളും സ്യൂട്ടുകളും ഇതിൽ ഉൾപ്പെടുന്നു, ഏറ്റവും വിലകുറഞ്ഞത് ഒരു രാത്രിക്ക് $745 (ഏകദേശം 55,000 രൂപ) ആണ്. ആഡംബര മുറിയുടെ വില ഒരു രാത്രിക്ക് $14,000 (10 ലക്ഷത്തിൽ കൂടുതൽ)..
പ്രതികരിക്കാൻ ഇവിടെ എഴുതുക