വയനാട് : ഓടിക്കൊണ്ടിരിക്കുന്ന കെ എസ് ആര്‍ ടി സി ബസിന്റെ മുന്‍വശത്തെ ചില്ല് തകര്‍ത്ത് ഇതര സംസ്ഥാന തൊഴിലാളി പുറത്ത് ചാടി. ഝാര്‍ഖണ്ഡ് സ്വദേശി മനോജ് കിഷന്‍ (28) ആണ് ചാടിയത്.
തല കൊണ്ട് ചില്ല് ഇടിച്ച് പൊട്ടിച്ചാണ് ഇയാള്‍ പുറത്ത് ചാടിയത്. തലയ്‌ക്ക് ഗുരുതര പരിക്കേറ്റു. ഉടന്‍ തന്നെ മനോജിനെ മാനന്തവാടി മെഡിക്കല്‍ കോളേജ് ആശുപത്രിയിലെത്തിച്ച ശേഷം വിദഗ്ധ ചികിത്സയ്‌ക്കായി കോഴിക്കോട് മെഡിക്കല്‍ കോളേജിലേക്ക് മാറ്റി.
കോഴിക്കോട് നിന്നും മാനന്തവാടിയിലേക്ക് വരികയായിരുന്ന കോഴിക്കോട് ഡിപ്പോയിലെ എ ടി സി 25 ബസില്‍ മാനന്തവാടി ദ്വാരകയ്‌ക്ക് സമീപമായിരുന്നു സംഭവം.സുഹൃത്തുക്കളോടൊപ്പം കോഴിക്കോട് നിന്നുമാണ് മനോജ് കിഷന്‍ ബസില്‍ കയറിയത്.ചുണ്ടേല്‍ മുതല്‍ ഇയാള്‍ ബസിനുള്ളില്‍ അസ്വസ്ഥത പ്രകടിപ്പിച്ചിരുന്നതായി ബസ് ജീവനക്കാര്‍ അറിയിച്ചു.
പ്രതികരിക്കാൻ ഇവിടെ എഴുതുക