ഇടുക്കി : കാട്ടാനയുടെ ആക്രമണത്തില്‍ ഒരു ജീവന്‍ കൂടി പൊലിഞ്ഞു. ആദിവാസി സ്ത്രീ മരിച്ചു.. സീത (54) ആണ് മരിച്ചത്. ഇടുക്കി പീരുമേടിനു സമീപം വനത്തിനുള്ളില്‍ ആണ് കാട്ടാന സീതയെ ആക്രമിച്ചത്.
വനവിഭവങ്ങള്‍ ശേഖരിക്കാന്‍ പോയതായിരുന്നു സീത.സീതയുടെ ഭര്‍ത്താവ് ബിനുവിനും കാട്ടാനയുടെ ആക്രമണത്തില്‍ പരിക്കുണ്ട്. ഇയാളെ പീരുമേട് താലൂക്ക് ആശുപത്രിയില്‍ പ്രവേശിപ്പിച്ചു.
ഭാര്യയും ഭര്‍ത്താവും രണ്ടു മക്കളും വന വിഭവങ്ങള്‍ ശേഖരിക്കാന്‍ പോവുകയായിരുന്നു. ജനവാസ മേഖലയോട് ചേര്‍ന്ന വനമേഖലയിലാണ് കാട്ടാന ആക്രമണം ഉണ്ടായത്. പ്ലാക്കത്തടം എന്ന ഈ പ്രദേശത്ത് കാട്ടാന ശല്യം രൂക്ഷമാണെന്ന് ഏറെ നാളായി നാട്ടുകാര്‍ പറയുന്നു.
പ്രതികരിക്കാൻ ഇവിടെ എഴുതുക