മലപ്പുറം : നിലമ്പൂരിലേത് ജനങ്ങളുടെ മേല് അടിച്ചേല്പ്പിച്ച ഉപതിരഞ്ഞെടുപ്പെന്ന് ബിജെപി നേതാവും മുന് കേന്ദ്ര മന്ത്രിയുമായ വി മുരളീധരന്. മുഖ്യമന്ത്രിക്ക് എതിരായ ഒരു കാര്യവും ചര്ച്ച ആകുന്നില്ല. അന്വറിന്റെ ആരോപണം എവിടെയാണ് ചര്ച്ചയായതെന്നും വി മുരളീധരന് ചോദിച്ചു.
ഭീകരവാദികളുടെയും വര്ഗീയസംഘടനകളുടെയും പിന്തുണയ്ക്കു വേണ്ടിയുള്ള മത്സരമാണ് നടക്കുന്നത്. ജമാഅത്തെ ഇസ്ലാമി മതരാഷ്ട്രവാദം അവസാനിപ്പിച്ചുവെന്ന് പ്രതിപക്ഷ നേതാവിനോട് സ്വകാര്യമായി വിളിച്ച് പറഞ്ഞതാണോ എന്ന് ചോദിച്ച വി മുരളീധരന് ജമാഅത്തെ ഇസ്ലാമിക്കെതിരെ സത്യവാംഗ് മൂലം നല്കിയത് യുഡിഎഫ് സര്ക്കാരാണെന്നും പറഞ്ഞു.
ടാറ്റയുടെ സുഡിയോ സ്റ്റോറുകള് ബഹിഷ്കരിക്കണമെന്ന് നിലപാട് യുഡിഎഫ് അംഗീകരിക്കുമോ എന്നും മുരളീധരന് ചോദിച്ചു. സിപിഎം ഇപ്പോള് പിഡിപിയെ ചേര്ത്തു പിടിക്കുന്നു. സി പി എം സംസ്ഥാന സെക്രട്ടറി എംവി ഗോവിന്ദന് പറയുന്നത് പിഡിപി ഇപ്പോള് പീഡിതരുടെ സംഘടന എന്നാണ്. ഇത് കേട്ടാല് അബ്ദുല് നാസര് മഅ്ദനി പോലും കരഞ്ഞു പോകും. മദനിയെ തമിഴ്നാടിന് കൈമറിയത് മറന്നിട്ടില്ലെന്നും വി മുരളീധരന് പറഞ്ഞു.
