കോട്ടയം: കേരളത്തില് കറങ്ങുന്ന തമിഴ് നാട് സ്വദേശികളായ 45 പേരടങ്ങുന്ന മാല മോഷണ സംഘത്തിലെ നാലു പേര് പിടിയില്. രാമപുരത്ത് ബസില് വച്ച് സ്ത്രീയുടെ രണ്ടര പവന്റെ മാല മോഷ്ടിച്ച കേസിലാണ് രണ്ട് സ്ത്രീകള് ഉള്പ്പെടെ നാലു പേരെ രാമപുരം പോലീസ് അറസ്റ്റ് ചെയ്തത്. തിരുനല്വേലി സ്വദേശി നാഗവല്ലി (30), മധുര സ്വദേശി വള്ളി (33), ഇവരുടെ ഭര്ത്താക്കന്മാരായ ജയറാം (32), തങ്കപാണ്ടി (39) എന്നിവരാണ് പിടിയിലായത്. രാമപുരം കൂത്താട്ടുകുളം റൂട്ടില് സര്വീസ് നടത്തുന്ന സ്വകാര്യ ബസില് വച്ച് രാമപുരം സ്വദേശിനിയായ വൃദ്ധയുടെ രണ്ടര പവന്റെ മാല സ്ത്രീകള് മോഷ്ടിക്കുകയും പ്രതികളുടെ ഭര്ത്താക്കന്മാര് അത് വില്പ്പന നടത്തുകയുമായിരുന്നു. ഇവരുടെ സംഘത്തില് പെട്ട 45 പേര് കേരളത്തിലുണ്ടെന്ന് പൊലീസ് പറഞ്ഞു. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
ബസ് യാത്രക്കാരില് നിന്ന് മാല കവരുന്ന 45 അംഗ സംഘത്തിലെ സ്ത്രീകളടക്കം നാലു പേര് രാമപുരത്ത് പിടിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.