മുംബൈ: നടി അസിന്റെ ഭര്ത്താവ് രാഹുല് ശര്മ്മ ഒരു മൊബൈല് നിര്മ്മാണക്കമ്പനിയുടെ സഹസ്ഥാപകനായിരുന്നു. മൈക്രോമാക്സ് എന്ന ഇന്ത്യന് മൊബൈല് ബ്രാന്റിന്റെ 2014-15ലെ വിറ്റുവരവ് 10,400 കോടി രൂപയായിരുന്നു. ഇന്ത്യയുടെ ആകെ മൊബൈല് വില്പനയുടെ 50 ശതമാനവും മൈക്രോമാക്സിനായിരുന്നു. പക്ഷെ പിന്നീട് ചീപ്പായ ചൈനീസ് മൊബൈലുകള് ഇന്ത്യന് വിപണിയില് ഒഴുകിയെത്തിയപ്പോള് മൈക്രോമാക്സ് തകര്ന്നു. കോവിഡ് കൂടി എത്തിയതോടെ കമ്പനി പാടെ തകര്ന്നു.
പക്ഷെ രാഹുല് ശര്മ്മ തോറ്റുകൊടുക്കാന് തയ്യാറില്ലായിരുന്നു. മൈക്രോമാസ്കിന്റെ ഉല്പാദന ഫാക്ടറികെട്ടിടങ്ങള് അങ്ങിനെ തന്നെയുണ്ടായിരുന്നു. എന്തുകൊണ്ട് മറ്റെന്തെങ്കിലും ഉല്പന്നങ്ങള് നിര്മ്മിച്ചുകൂടാ എന്ന ചിന്ത രാഹുല് ശര്മ്മയുടെ മനസ്സില് വന്നു. അങ്ങിനെയാണ് അദ്ദേഹം ഇലക്ട്രോണിക്സ് ഉല്പന്നങ്ങള് നിര്മ്മിക്കാന് തുടങ്ങിയത്. ഭഗവതി പ്രൊഡക്ട്സ് ലിമിറ്റഡ് (ബിപിഎല്) എന്ന പേരില്. ഇന്ന് അഞ്ച് ഉല്പാദനയൂണിറ്റുകള് ഉണ്ട്. വിദേശത്ത് നിന്നും ചില ഫണ്ടുകളും ലഭിച്ചു. ഇന്ന് കമ്പനിയുടെ വിറ്റുവരവ് 6200 കോടി രൂപയാണ്. തോല്വി വന്നാല് നിങ്ങളുടെ അടിസ്ഥാന ഗുണം എന്താണെന്ന് നോക്കി അതില് ഉറച്ചുനില്ക്കൂ എന്ന ഉപദേശമാണ് ഇന്ന് രാഹുല് ശര്മ്മ നല്കുന്നത്. ഉല്പാദനമായിരുന്നു രാഹുല് ശര്മ്മയുടെ ശക്തി. അതില് അദ്ദേഹം ഉറച്ചുനിന്ന് പുതിയൊരു വിജയകരമായ കമ്പനി കെട്ടിപ്പടുത്തു.
2016ലാണ് തമിഴ് സിനിമയോട് വിടപറഞ്ഞ് നായിക നടിയായിരുന്നു അസിന് രാഹുല് ശര്മ്മയെ വിവാഹം ചെയ്തത്.
