കോട്ടയം: വിധവയുടെ ചെക്ക് കൈക്കലാക്കി കള്ളയൊപ്പിട്ട് 25 ലക്ഷം രൂപ ബാങ്കില്‍ നിന്ന് പിന്‍വലിക്കാന്‍ ശ്രമിച്ചയാള്‍ പിടിയില്‍. ഭര്‍ത്താവിന്‌റെ സുഹൃത്തുകൂടിയായ കാണക്കാരി കുളത്തൂര്‍ കുടിലില്‍ ടോമി ജോസഫിനെയാണ് (52) കുറവിലങ്ങാട് പോലീസ് അറസ്റ്റ് ചെയ്തത്. ഏറ്റുമാനൂര്‍ ഭാഗത്ത് ഹോട്ടല്‍ നടത്തി വരികയായിരുന്നു പരാതിക്കാരിയായ യുവതിയും ഭര്‍ത്താവും. ഭര്‍ത്താവ് അടുത്തിടെ മരിച്ചു. ഇതിനിടെ ഇരുവരുടേയും സുഹൃത്തായിരുന്ന ടോമി യുവതിയുടെ പേരിലുള്ള ചെക്ക് കൈക്കലാക്കി വ്യാജ ഒപ്പിട്ട് 25 ലക്ഷം രൂപ എഴുതി ബാങ്കില്‍ കളക്ഷന് നല്‍കുകയായിരുന്നു. ഇത്രയും വലിയ തുക ആയതിനാലും ഒപ്പില്‍ സംശയം തോന്നിയും സൗത്ത് ഇന്ത്യന്‍ ബാങ്കില്‍ നിന്ന് യുവതിയെ വിളിച്ച് തിരിക്കി. അപ്പോഴാണ് തട്ടിപ്പാണെന്നു തിരിച്ചറിഞ്ഞത്. ബാങ്ക് അറിയിച്ചതനുസരിച്ച് കുറവിലങ്ങാട് പോലീസ് കേസ് രജിസ്റ്റര്‍ ചെയ്യുകയും പ്രതിയെ അറസ്റ്റ് ചെയ്യുകയുമായിരുന്നു.
പ്രതികരിക്കാൻ ഇവിടെ എഴുതുക: