മാര്‍ഗദര്‍ശകമണ്ഡലം ജനറല്‍ സെക്രട്ടറി സ്വാമി സത്സ്വരൂപാനന്ദ സരസ്വതിയുടെ നേതൃത്വത്തില്‍ സംന്യാസിമാര്‍ എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശനെ സന്ദര്‍ശിച്ചപ്പോള്‍
ആലപ്പുഴ: ഒക്ടോബര്‍ 7 മുതല്‍ 14 വരെ സംന്യാസിമാരുടെ നേതൃത്വത്തില്‍ നടക്കുന്ന ധര്‍മ സന്ദേശ യാത്രയുടെ സ്വാഗത സംഘ രൂപീകരണത്തിന് മുന്നോടിയായി എസ്എന്‍ഡിപി ജനറല്‍ സെക്രട്ടറി വെള്ളാപ്പള്ളി നടേശനെ കണിച്ചുകുളങ്ങരയിലെ വീട്ടിലെത്തി സംന്യാസിമാരുടെ സംഘം സന്ദര്‍ശിച്ചു.
മാര്‍ഗദര്‍ശകമണ്ഡലം ജനറല്‍ സെക്രട്ടറി സ്വാമി സത്സ്വരൂപാനന്ദ സരസ്വതി, പന്മന ആശ്രമം മഠാധിപതി സ്വാമി കൃഷ്ണമയാനന്ദ തീര്‍ത്ഥപാദര്‍, എസ്എന്‍ഡിപി യോഗം ധ്യാനാചാര്യന്‍ സ്വാമി ശിവ ബോധാനന്ദ, ചെറുകോല്‍ ശുഭാനന്ദാശ്രമം ട്രസ്റ്റി സ്വാമി വിജ്ഞാനാനന്ദന്‍, തൊടുപുഴ തത്വമസി മഠാധിപതി സ്വാമി അയ്യപ്പദാസ് എന്നിവരായിരുന്നു സംഘത്തിലുണ്ടായിരുന്നത്. വര്‍ക്കല ശിവഗിരി മഠത്തിലും സംന്യാസിമാര്‍ സന്ദര്‍ശനം നടത്തി. ജൂണ്‍ 11ന് വൈകിട്ട് അഞ്ചിന് തിരുവനന്തപുരം കവടിയാര്‍ ഉദയ് പാലസിലാണ് സ്വാഗത സംഘ രൂപീകരണം.
പ്രതികരിക്കാൻ ഇവിടെ എഴുതുക