ചികിത്സാരംഗത്ത് സാങ്കേതിക കൈമാറ്റത്തിൽ പുതുവഴികൾ തീർത്ത് ശ്രീചിത്ര ഇൻസ്റ്റിറ്റ്യൂട്ട് ഫോർ മെഡിക്കൽ സയൻസസ്

തിരുവനന്തപുരം: വൈദ്യശാസ്ത്ര ഉപകരണ-ബയോമെറ്റീരിയൽ സാങ്കേതികവിദ്യകൾ കൈമാറുന്നതിലും അവ വാണിജ്യവത്കരിക്കുന്നതിലും മികവിന്റെ ചരിത്രം ആവർത്തിച്ച് ശ്രീചിത്ര തിരുനാൾ ഇൻസ്റ്റിറ്റ്യൂട്ട് ഫോർ മെഡിക്കൽ സയൻസസ് ആന്റ് ടെക്നോളജി. പല മേഖലകളിലായി വിവിധ സാങ്കേതികവിദ്യകളാണ് ഈ വർഷം കേന്ദ്ര ശാസ്ത്ര സാങ്കേതിക മന്ത്രാലയത്തിന് കീഴിലുള്ള ശ്രീചിത്ര ഇൻസ്റ്റിറ്റ്യൂട്ട് വികസിപ്പിച്ചത്. ഇത്തരത്തിൽ വികസിപ്പിച്ച സാങ്കേതിക വിദ്യകൾ ഇന്ത്യയിലെ വിവിധ കമ്പനികൾക്ക് കൈമാറിയത്.

1.പാർക്കിൻസൺസ്, ഡിസ്റ്റോണിയ പോലുള്ള ചലനവൈകല്യങ്ങളുടെ ചികിത്സയ്‌ക്കായി ഉപയോഗിക്കാൻ സാധിക്കുന്ന ഡിപ് ബ്രെയിൻ സ്റ്റിമുലേറ്റർ

2. കൃത്യമായ കോർട്ടിക്കൽ സ്റ്റിമുലേഷൻ, ഇലക്ട്രോകോർട്ടിക്കോഗ്രാഫി എന്നിവയ്‌ക്ക് അത്യാവശ്യമായ അതിപ്രധാന ഉപകരണങ്ങളായ ഇൻട്രാക്രേനിയൽ- സബ്‌ഡ്യൂറൽ ഇലക്ട്രോഡുകൾ

3. വിവിധ ചികിത്സകൾക്ക് ഉപയോ​ഗിക്കാൻ കഴിയുന്ന പ്ലാസ്മാ പ്രോട്ടീനുകളായ- ഫൈബ്രിനോജൻ, ത്രോംബിൻ ആൽബുമിൻ & ഐവിഐജി

4. ഉണങ്ങാത്ത മുറിവുകളുടെ ചികിത്സയ്‌ക്ക് ഉപയോഗിക്കാവുന്ന അത്യാധുനിക കൈറ്റസാൻ അടിസ്ഥാന ആൻ്റിഓക്‌സിഡൻ്റ് പോളിമെറിക് വൂണ്ട് ഡ്രസ്സിംഗ്

5.ഗവേഷണത്തിനായി ഉപയോഗിക്കുന്ന എലികളെ സമ്മർദ്ദ രഹിതമായി കൈകാര്യം ചെയ്യാൻ കഴിയുന്ന ഗേറ്റോടുകൂടിയ മൈസ് ട്രാൻസ്ഫ‌ർ ആൻ്റ് എൻറിച്ച്മെൻ്റ് ബോക്‌സ് എന്നീ സാങ്കേതിക വിദ്യകളാണ് ശ്രീചിത്ര ഇൻസ്റ്റിറ്റ്യൂട്ടിലെ ശാസ്ത്രജ്ഞർ വികസിപ്പിച്ചെടുത്തത്.

വികസിച്ചെടുത്ത സാങ്കേതിക വിദ്യകൾ വിവിധ കമ്പനികൾക്ക് കൈമാറി. ഇതു കൂടാതെ ഐഎസ്ഒ 10993 അനുസരിച്ച് ജീവശാസ്ത്രപരമായ മൂല്യനിർണ്ണയവുമായി ബന്ധപ്പെട്ട നിയമപരമായ മാനദണ്ഡങ്ങൾ പാലിക്കുന്നതിനായി റെഫറൻസ് ബയോമെറ്റീരിയലുകൾ വികസിപ്പിക്കുന്നതിനും അടിസ്ഥാന മാതൃകയ്‌ക്ക് അനുസരണമായി ക്രമീകരിക്കുന്നതിനും (Standardization) വേണ്ടി ടിആർസിക്ക് കീഴിൽ പ്രൂഫ് ഓഫ് കോൺസെപ്റ്റും ശ്രീചിത്രയിലെ കാലിബേറഷൻ സെൽ പൂർത്തിയാക്കി.

ഇതിനകം ശ്രീചിത്ര 90 സാങ്കേതികവിദ്യാ കൈമാറ്റങ്ങൾ നടത്തിക്കഴിഞ്ഞു. 248 ഇന്ത്യൻ പേറ്റൻറുകൾ, 28 വിദേശ പേറ്റൻറുകൾ, 84 ഡിസൈൻ രജിസ്ട്രേഷനുകൾ എന്നിവയും ശ്രീചിത്രയുടെ പേരിലുണ്ട്.