വാഷിങ്ടണ്‍: അമേരിക്കയില്‍ 31751 കിലോ തേനീച്ചക്കൂടുകളുമായി പോയ ട്രക്ക് മറിഞ്ഞു. 25 കോടിയോളം തേനീച്ചകള്‍ കൂട്ടില്‍ നിന്ന് പറന്നതായി റിപ്പോര്‍ട്ട്. യുഎസ്-കാനഡ അതിര്‍ത്തിക്കടുത്താണ് സംഭവം.
സംഭവത്തിന് പിന്നാലെ അധികൃതര്‍ മുന്നറിയിപ്പ് പുറപ്പെടുവിച്ചിട്ടുണ്ട്. പ്രദേശത്ത് നിന്ന് അകലം പാലിക്കണമെന്ന് ജാഗ്രതാ നിര്‍ദേശം നല്കി. പറന്നുപോയ തേനീച്ചകളെ കൂട്ടിലാക്കാനുള്ള ശ്രമങ്ങള്‍ നടക്കുന്നുണ്ടെന്നാണ് വിവരം. ഇതിന് രണ്ട് ദിവസം വേണ്ടിവരുമെന്നും റിപ്പോര്‍ട്ടില്‍ പറയുന്നു. അപകടമുണ്ടായ പ്രദേശം പൂര്‍ണമായി അടച്ചിട്ടിരിക്കുകയാണ്.
റാണി തേനീച്ചയെ കണ്ടെത്തിയ ശേഷം കൂട്ടിലേക്ക് തിരികെ കൊണ്ടു പോയി മറ്റുള്ള തേനീച്ചകളേയും കൂട്ടിലെത്തിക്കുക എന്നതാണ് പദ്ധതിയെന്ന് പോലീസ് പറയുന്നു.
പ്രതികരിക്കാൻ ഇവിടെ എഴുതുക: