മലപ്പുറം: നിലമ്പൂര് ഉപതെരഞ്ഞെടുപ്പില് പി വി അന്വര് മത്സരിക്കുമെന്ന് തൃണമൂല് കോണ്ഗ്രസ് അറിയിച്ചു. തിങ്കളാഴ്ച പത്രിക സമര്പ്പിക്കുമെന്ന് ടിഎംസി സംസ്ഥാന ചീഫ് കോര്ഡിനേറ്റര് സജി മഞ്ഞക്കടമ്പില് പറഞ്ഞു.
പാര്ട്ടിയുടെ എല്ലാ നേതാക്കളോടും തിങ്കളാഴ്ച നിലമ്പൂരില് എത്താന് പിവി അന്വര് നിര്ദേശം നല്കിയിട്ടുണ്ട്. പിവി അന്വറിനെ യുഡിഎഫും ഇടതുപക്ഷവും വഞ്ചിച്ചു.
സാധാരണക്കാരുടെ വികാരമാണ് അന്വറിനെ മത്സരരംഗത്തേക്ക് എത്തിക്കുന്നത്.മത-സാമുദായിക നേതാക്കന്മാര് പിവി അന്വറിന് പിന്തുണ അറിയിച്ചിട്ടുണ്ടെന്ന് സജി മഞ്ഞക്കടമ്പില് പറഞ്ഞു.അന്വറിന്റെ വിജയത്തിനായി ടിഎംസി പ്രവര്ത്തകര് എണ്ണയിട്ട യന്ത്രം പോലെ പ്രവര്ത്തിക്കും.നിലമ്പൂരിന്റെ സുല്ത്താനായി വീണ്ടും അന്വര് ജയിക്കും.
.നേരത്തെ നിലമ്പൂര് ഉപതിരഞ്ഞെടുപ്പില് മത്സര സാധ്യത തള്ളാതെ പിവി അന്വര് പ്രതികരിച്ചിരുന്നു. മത്സരിക്കാന് ആളുകള് പൈസ കൊണ്ട് വരുന്നുണ്ടെന്നും തന്നോട് മത്സരിക്കാന് ആവശ്യപ്പെടുന്നുവെന്നും അന്വര് പറഞ്ഞു
