പട്ന : പ്രധാനമന്ത്രി നരേന്ദ്രമോദിയുടെ കാൽ തൊട്ട് വന്ദിച്ച് രാജസ്ഥാന് റോയല്സിന്റെ യുവതാരം വൈഭവ് സൂര്യവംശി. പട്നവിമാനത്താവളത്തില് വച്ചാണ് സൂര്യവംശിയും കുടുംബവും പ്രധാനമന്ത്രി നരേന്ദ്രമോദിയെ കണ്ടുമുട്ടിയത്. മോദിയുടെ കാല് തൊട്ടുവന്ദിച്ച് സൂര്യവംശി അനുഗ്രഹം വാങ്ങി.
ഇരുവരും ഒന്നിച്ചുള്ള ചിത്രങ്ങള് മോദി എക്സില് പങ്കുവെച്ചിട്ടുമുണ്ട്. വൈഭവിന്റെ ബാറ്റിങ് പ്രകടനത്തെ പ്രശംസിച്ചുകൊണ്ടാണ് മോദി ചിത്രങ്ങള് പങ്കുവെച്ചത്. നേരത്തേ മന് കി ബാത്തില് മോദി, വൈഭവിന്റെ നേട്ടങ്ങളെ പ്രശംസിച്ച് സംസാരിച്ചിരുന്നു.
ഈ ഐപിഎല് സീസണിലെ മികച്ച കളിക്കാരില് ഒരാളാണ് രാജസ്ഥാന് റോയല്സിന്റെ വൈഭവ് സൂര്യവംശി. ഏഴ് മത്സരങ്ങളില് നിന്നായി കൗമാരതാരം 252 റണ്സ് നേടുകയും ചെയ്തു. കളിക്കളത്തില് പ്രായത്തിനപ്പുറമുള്ള പക്വതയാണ് ഈ താരത്തെ വേറിട്ടതാക്കുന്നത്.
