തിരുവനന്തപുരം : കിളിമാനൂരില്‍ നഗരൂര്‍ റോഡില്‍ അജ്ഞാത വാഹനമിടിച്ചു കാല്‍നട യാത്രക്കാരന്‍ മരിച്ചു. കിളിമാനൂര്‍ ചെങ്കിക്കുന്ന് സ്വദേശി നന്ദകുമാര്‍ ആണ് മരിച്ചത്.
അതേസമയം, ഇടിച്ച വാഹനത്തില്‍ നിന്നും ഒരാള്‍ ഇറങ്ങി റോഡില്‍ വീണു കിടന്ന നന്ദ കുമാറിനെ തട്ടി വിളിക്കുന്നതും അനക്കമില്ലെന്നു കണ്ടതോടെ വാഹനത്തില്‍ കയറി കടന്നു കളയുന്നതുമായ ദൃശ്യങ്ങള്‍ പുറത്തു വന്നു. പിന്നാലെ വന്ന വാഹനത്തിന്റെ ക്യാമറയിലാണ് ദൃശ്യങ്ങള്‍ പതിഞ്ഞത്.
നന്ദകുമാറിനെ മറ്റുള്ളവര്‍ ചേര്‍ന്നു കടയ്‌ക്കല്‍ താലൂക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.വാഹനത്തിന്റെ അമിതവേഗതയാണ് അപകടത്തിന് കാരണമെന്നാണ് ദൃശ്യങ്ങളില്‍ നിന്ന് വ്യക്തമാകുന്നത്. നന്ദകുമാര്‍ റോഡിലേക്ക് വീണ ഉടന്‍ തന്നെ ഒരാള്‍ പുറത്തിറങ്ങി തട്ടി വിളിക്കുന്നതും ഫോണില്‍ ആരോടോ സംസാരിക്കുന്നതുമായ ദൃശ്യങ്ങളാണ് പുറത്തു വന്നത്.. നന്ദകുമാര്‍ അനങ്ങാതെ വന്നതോടെ അജ്ഞാതന്‍ വളരെ വേഗത്തില്‍ വാഹനവുമായി കടന്നു. അടുത്തുണ്ടായിരുന്ന ഇരുചക്രവാഹനയാത്രികനും നന്ദകുമാറിനെ രക്ഷിക്കാന്‍ ശ്രമിച്ചില്ല. പിന്നീടാണ് മറ്റുള്ളവര്‍ എത്തി ഇദ്ദേഹത്തെ ആശുപത്രിയില്‍ എത്തിച്ചത്.
പ്രതികരിക്കാൻ ഇവിടെ എഴുതുക: