കാസര്കോട് : അതിതീവ്ര മഴയെ തുടര്ന്ന് കേന്ദ്ര കാലാവസ്ഥാ വകുപ്പ് നാളെയും മറ്റന്നാളും റെഡ് അലര്ട്ട് പ്രഖ്യാപിച്ചതിനാല് കാസര്കോട് ജില്ലയില് നാളെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. മഴ അതിശക്തമായി തുടരുന്ന സാഹചര്യത്തില് മുന്കരുതല് എന്ന നിലയില് ജില്ലയിലെ പ്രൊഫഷണല് കോളജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്, ട്യൂഷന് സെന്ററുകള്, സ്പെഷ്യല് ക്ലാസ്സുകള്, അങ്കണ്വാടികള്, മദ്രസകള് തുടങ്ങിയവക്ക് നാളെ അവധിയാണെന്ന് ജില്ലാ കലക്ടര് കെ ഇമ്പശേഖര് അറിയിച്ചു. മുന്കൂട്ടി പ്രഖ്യാപിച്ച പരീക്ഷകളില് മാറ്റമില്ല.
റെഡ് അലര്ട്ട് പ്രഖ്യാപിച്ച സാഹചര്യത്തില് ജില്ലയില് ക്വാറികള് നാളെയും മറ്റന്നാളും പ്രവര്ത്തിക്കാന് പാടില്ല. റെഡ് അലര്ട്ട് പ്രഖ്യാപിച്ച ദിവസങ്ങളില് ജില്ലയിലെ റാണിപുരം ഉള്പ്പെടെയുള്ള വിനോദസഞ്ചാര കേന്ദ്രങ്ങള് അടച്ചിടും. ബീച്ചുകളിലേക്കും വിനോദസഞ്ചാരികള്ക്ക് പ്രവേശം അനുവദിക്കില്ല. മലയോരങ്ങളിലേക്കുള്ള രാത്രികാല യാത്രകള് ഒഴിവാക്കേണ്ടതാണ്.
