തുപ്പൽ ഉപയോഗിച്ച് ഫേസ് മസാജ് ചെയ്തു ; സലൂൺ ജീവനക്കാരൻ അർഷാദ് അലി അറസ്റ്റിൽ

ഗാസിയാബാദ് : ഉത്തർപ്രദേശിലെ ഗാസിയാബാദിൽ തുപ്പൽ ഉപയോഗിച്ച് ഫേസ് മസാജ് ചെയ്ത സംഭവത്തിൽ ഒരാൾ അറസ്റ്റിൽ . സിറ്റിയിലെ ഡ്രീം ഹോംസ് സൊസൈറ്റി ലെവൽ-അപ്പ് സലൂണിൽ ജോലി ചെയ്യുന്ന അർഷാദ് അലിയാണ് പിടിയിലായത്. ക്രീമിൽ തുപ്പൽ കലർത്തി ഉപഭോക്താവിനെ അർഷാദ് അലി മസാജ് ചെയ്തതിന്റെ വീഡിയോ പുറത്ത് വന്നിരുന്നു. തുടർന്നാണ് അറസ്റ്റ്.

ഉപഭോക്താവിന്റെ മുഖത്ത് മസാജ് ചെയ്യുമ്പോൾ തുപ്പൽ ഉപയോഗിക്കുന്നത് ദൃശ്യങ്ങളിലും കാണാം. ദസ്‌നയിലെ അസ്ലം കോളനിയിലെ താമസക്കാരനാണ് അർഷാദ് . ബിഎൻഎസ് പ്രകാരം, പ്രതിയായ അർഷാദ് അലിക്കെതിരെ മാരകമായ രോഗബാധ പടർത്തുന്നതിന് സെക്ഷൻ 271 പ്രകാരവും മനഃപൂർവ്വം അണുബാധ പടർത്തുന്നതിന് സെക്ഷൻ 272 പ്രകാരവും കേസ് രജിസ്റ്റർ ചെയ്തിട്ടുണ്ട്. പോലീസ് ചോദ്യം ചെയ്യലിൽ അർഷാദ് അലി കുറ്റം സമ്മതിച്ചു. താൻ ലെവൽ-അപ്പ് സലൂണിൽ ജോലി ചെയ്യുന്നുണ്ടെന്നും ഉപഭോക്താവിന്റെ മുഖത്ത് തുപ്പുകയും മസാജ് ചെയ്യുകയും ചെയ്തത് താനാണെന്നും അയാൾ പോലീസിനോട് പറഞ്ഞു.

https://x.com/i/status/1924488161247265277