ന്യൂദൽഹി : ഇന്ത്യൻ താൽപ്പര്യങ്ങൾക്കെതിരായ അജണ്ടകൾ പലപ്പോഴും പ്രചരിപ്പിക്കുന്ന യൂട്യൂബറാണ് ധ്രുവ് റാത്തി . ഇപ്പോഴിതാ സിഖ് ചരിത്രത്തെ അവഹേളിക്കാൻ ശ്രമിച്ചതിന് സിഖ് സമൂഹം ധ്രുവ് റാത്തിയ്ക്കെതിരെ രംഗത്തെത്തിയിരിക്കുകയാണ് . തന്റെ യൂട്യൂബ് ചാനലിൽ “മുഗളന്മാരെ ഭയപ്പെടുത്തിയ സിഖ് യോദ്ധാവ് എന്ന പേരിൽ ധ്രുവ് രാത്തി ഒരു വീഡിയോ അപ്ലോഡ് ചെയ്തിരുന്നു . വീഡിയോ ചരിത്രപരമായ വസ്തുതകൾ വളച്ചൊടിക്കുകയും സിഖ് ചരിത്രത്തെക്കുറിച്ചുള്ള പ്രധാന വസ്തുതകളെ ഒഴിവാക്കുകയും ചെയ്തുവെന്നാണ് പരാതി.
വീഡിയോയെ ശിരോമണി ഗുരുദ്വാര പർബന്ധക് കമ്മിറ്റി (SGPC) എതിർത്തു. വീഡിയോയിൽ, ആർട്ടിഫിഷ്യൽ ഇന്റലിജൻസ് (AI) ഉപയോഗിച്ച് സിഖ് ഗുരുക്കന്മാരുടെയും, രക്തസാക്ഷികളായ യോദ്ധാക്കളുടെയും, അവരുടെ കുടുംബാംഗങ്ങളുടെയും മുഖങ്ങളും കാട്ടിയിരുന്നു . ബന്ദാസിംഗ് ബഹാദൂറിനെ റോബിൻ ഹുഡ് എന്നും വിളിച്ചിരുന്നു.
എന്നാൽ സിഖുകാർക്ക് അവരുടെ ചരിത്രം അറിയാൻ ധ്രുവ് രതിയുടെ AI അധിഷ്ഠിത വീഡിയോ ആവശ്യമില്ലെന്ന് എസ്ജിപിസി ജനറൽ സെക്രട്ടറി ഗുർചരൺ സിംഗ് ഗ്രേവാൾ പറഞ്ഞു. ശ്രീ ഗുരു തേജ് ബഹദൂർ ജിയുടെയും ബാബ ബന്ദ സിംഗ് ബഹദൂറിന്റെയും രക്തസാക്ഷിത്വവുമായി ബന്ധപ്പെട്ട നിരവധി സുപ്രധാന ചരിത്ര വസ്തുതകളെ ധ്രുവ് രതി വളച്ചൊടിച്ചിട്ടുണ്ട്.
എസ്ജിപിസി, ഡിഎസ്ജിഎംസി അംഗങ്ങൾക്ക് പുറമേ, സിഖ് ചരിത്രത്തെ വളച്ചൊടിക്കുന്നതിലും തങ്ങളുടെ ആദരണീയരായ ഗുരുക്കന്മാരെ ചിത്രീകരിക്കാൻ ആർട്ടിഫിഷ്യൽ ഇന്റലിജൻസ് ഉപയോഗിക്കുന്നതിലും മറ്റ് നിരവധി സിഖുകാരും രോഷം പ്രകടിപ്പിച്ചിട്ടുണ്ട്.ഗുരുക്കന്മാരുടെ പേരുകൾ ബഹുമാനത്തോടെ പരാമർശിച്ചിട്ടില്ലെന്ന് അദ്ദേഹം പറഞ്ഞു, ഇത് വളരെ പ്രതിഷേധാർഹമാണ്. ധ്രുവ് രതിക്കെതിരെ ഉചിതമായ നടപടി സ്വീകരിക്കണമെന്നും അവർ സർക്കാരിനോട് അഭ്യർത്ഥിച്ചു.
