ഇസ്ലാമാബാദ്: പാകിസ്ഥാൻ ആർമിയുടെ ഇൻഫർമേഷൻ വിംഗ് ഇന്റർ സർവീസസ് പബ്ലിക് റിലേഷൻസ് (ഐഎസ്പിആർ) ഡയറക്ടർ ജനറൽ അഹമ്മദ് ഷെരീഫ് ചൗധരിയെക്കുറിച്ച് ഞെട്ടിക്കുന്ന വെളിപ്പെടുത്തൽ. ഐക്യരാഷ്ട്രസഭയും അമേരിക്കയും ആഗോള ഭീകരനായി പ്രഖ്യാപിച്ച സുൽത്താൻ ബഷീറുദ്ദീൻ മഹ്മൂദിന്റെ മകനാണ് ഐഎസ്പിആർ ഡയറക്ടർ അഹമ്മദ് ഷെരീഫ് ചൗധരിയെന്ന വിവരമാണ് പുറത്ത് വരുന്നത്.
അഹമ്മദ് ഷെരീഫ് ചൗധരിയുടെ പിതാവ് കുപ്രസിദ്ധ ഭീകരനായ ഒസാമ ബിൻ ലാദന് രാസ, ജൈവ, ആണവ ആയുധങ്ങളെക്കുറിച്ചുള്ള വിവരങ്ങൾ നൽകിയിരുന്ന വ്യക്തിയായിരുന്നുവെന്നും അന്തർദേശീയ മാധ്യമങ്ങൾ റിപ്പോർട്ട് ചെയ്യുന്നു.
ആരാണ് ഡയറക്ടർ ജനറൽ അഹമ്മദ് ഷെരീഫ് ചൗധരി ?
ഡയറക്ടർ ജനറൽ അഹമ്മദ് ഷെരീഫ് ചൗധരി പാകിസ്ഥാൻ ആർമിയിൽ ഉയർന്ന പദവി വഹിക്കുന്നു. 2022 ഡിസംബർ 6 മുതൽ ഇന്റർ-സർവീസസ് പബ്ലിക് റിലേഷൻസിന്റെ (ISPR) 22-ാമത് ഡയറക്ടർ ജനറലായിട്ടാണ് ഇയാൾ സേവനമനുഷ്ഠിക്കുന്നത്. ഇലക്ട്രിക്കൽ ആൻഡ് മെക്കാനിക്കൽ എഞ്ചിനീയറിംഗ് (EME) കോർപ്സിൽ ഉൾപ്പെടുന്ന ഇയാൾ ഈ കോർപ്സിൽ നിന്ന് DG ISPR ആയ ആദ്യ ഓഫീസറാണ്.
ആരായിരുന്നു ഭീകരൻ സുൽത്താൻ ബഷീറുദ്ദീൻ മഹ്മൂദ് ?
സുൽത്താൻ ബഷീറുദ്ദീൻ മഹമൂദ് പാകിസ്ഥാൻ ആറ്റോമിക് എനർജി കമ്മീഷനിൽ (പിഎഇസി) ജോലി ചെയ്തിരുന്നു. തുടർന്ന് 1999-ൽ മഹ്മൂദ് ഉമ്മ തമീർ-ഇ-നൗ (UTN) എന്ന സംഘടന സ്ഥാപിച്ചു. 2001-ൽ അമേരിക്ക നിരോധിച്ച ഒരു തീവ്ര സംഘടനയായിരുന്നു ഇത്. കൂടാതെ 2001 ഡിസംബറിൽ അൽ-ഖ്വയ്ദ ഉപരോധമേർപ്പെടുത്തിയവരുടെ പട്ടികപ്പെടുത്തി മഹ്മൂദിനെയും ഉൾപ്പെടുത്തിയിരുന്നു. യുണൈറ്റഡ് സ്റ്റേറ്റ്സ് ഓഫീസ് ഓഫ് ഫോറിൻ അസറ്റ്സ് കൺട്രോൾ ഇയാളെ ആഗോള ഭീകരനായി പ്രഖ്യാപിക്കുകയും ചെയ്തു.
