തീവ്രവാദം ജീവനുള്ള തലവേദനയാണെന്നും ലോകത്തെ കാര്ന്നുതിന്നുന്ന കാന്സറാണെന്നും ജന്മഭൂമി എഡിറ്റര് കെ.എന്.ആര്. നമ്പൂതിരി. ഇതിനെതിരായ പോരാട്ടത്തിന്റെ മുന്നിരയില് ഭാരതമുണ്ട്. ഈ പോരാട്ടത്തില് എല്ലാവരും രാജ്യത്തിന്റെ പിന്നില് അണിനിരക്കണം. മനുഷ്യത്വമുള്ളവരായിരിക്കുക, മാനവികത പിന്തുടരുക എന്നത് ഓരോ മനുഷ്യന്റെയും മുദ്രാവാക്യമായിരിക്കണം. അതാണ് നമ്മുടെ ഋഷിപരമ്പര സര്വേപി സുഖിനഃ സന്തു… എന്ന മന്ത്രം ചൊല്ലിയത്. എന്നാല് തീവ്രവാദം വര്ധിക്കുന്ന ലോകത്ത് ഈ തത്വശാസ്ത്രം പ്രാവര്ത്തികമാക്കുക എളുപ്പമല്ല. ധര്മ്മത്തിന്റെ സംരക്ഷണത്തിന് ആവശ്യമെങ്കില് ഹിംസ സ്വീകാര്യമാണെന്ന് അദ്ദേഹം പറഞ്ഞു.തീവ്രവാദത്തിന് പല രൂപങ്ങളും വഴികളും ഉണ്ട്. ആശയങ്ങള്, പ്രവര്ത്തനങ്ങള്, അതിക്രമങ്ങള്, മയക്കുമരുന്ന് കടത്ത്, മനുഷ്യക്കടത്ത്, നുഴഞ്ഞുകയറ്റം തുടങ്ങിയവയിലൂടെ ചെറുപ്പക്കാരെ വഴിതെറ്റിക്കുന്നു. ഈ ശാപത്തില് നിന്ന് യുവാക്കളെ മോചിപ്പിക്കേണ്ടത് പ്രധാനമാണ്. സമൂഹത്തിന് ഇതില് വലിയ പങ്കുണ്ട്. കുടുംബം ഇതിന് ഏറ്റവും കൂടുതല് മുന്കൈയെടുക്കുകയും വേണം. അതിനായി ജന്മഭൂമി ഒരു ഉത്തേജകമായി പ്രവര്ത്തിക്കുമെന്ന് അദ്ദേഹം പറഞ്ഞു.
തീവ്രവാദം കാന്സര്, ജീവനുള്ള തലവേദന: കെ.എന്. ആര് നമ്പൂതിരി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.