ന്യൂഡൽഹി ; ഇന്ത്യക്കെതിരെ ജിഹാദിന് ആഹ്വാനം ചെയ്ത് ഭീകരസംഘടനയായ അൽ–ഖായിദ. സംഘടനയുടെ ഇന്ത്യൻ ഉപഭൂഖണ്ഡ വിഭാഗമായ അൽ-ഖായിദ ഇൻ ദി ഇന്ത്യൻ സബ്കോണ്ടിനെന്റ് (എക്യുഐഎസ്) ആണ് ജിഹാദിന് ആഹ്വാനം ചെയ്തിരിക്കുന്നത്. ഓപറേഷൻ സിന്ദൂറിനെ അപലപിച്ചു കൊണ്ടുള്ള പ്രസ്താവനയാണ് സംഘടന പുറത്തുവിട്ടിരിക്കുന്നത്.
പാകിസ്ഥാന് മണ്ണില് ഇന്ത്യ നടത്തിയ കടന്നുകയറ്റത്തിന് ശക്തമായ പ്രതികാരം ചെയ്യുമെന്ന് അല് ഖ്വയ്ദ പ്രസ്താവനയിൽ പറയുന്നു. ഇതിനായി പാകിസ്ഥാന് പിന്നില് അണിചേരാന് സംഘടന ആവശ്യപ്പെട്ടു. ‘ഇന്ത്യയിലെ ഹിന്ദുത്വ- ബിജെപി സര്ക്കാര് പാകിസ്ഥാനിലെ പള്ളികളും വീടുകളും ആക്രമിച്ചിരിക്കുന്നു. നിരവധി മുസ്ലിങ്ങളാണ് കൊല്ലപ്പെട്ടത്. നിരവധി പേര്ക്ക് പരിക്കേറ്റു. മരിച്ചവരെല്ലാം സ്വര്ഗരാജ്യം പൂകി.
ഇന്ത്യന് ഭരണകൂടം നടത്തുന്ന ക്രൂരതകളുടെ കറുത്ത അധ്യായങ്ങളിലൊന്നു കൂടിയാണ് ഈ ബോംബാക്രമണം. ഇസ്ലാമിനും മുസ്ലിങ്ങള്ക്കുമെതിരായ ഇന്ത്യയുടെ യുദ്ധം പഹല്ഗാം ആക്രമണത്തിന് ശേഷം ആരംഭിച്ചതല്ല, അത് പതിറ്റാണ്ടുകളായി തുടര്ന്നു വരുന്നതാണ് . ഈ സാഹചര്യത്തില് ഇസ്ലാമിനെ പ്രതിരോധിക്കാനായി രംഗത്തിറങ്ങേണ്ടത് ഓരോ മുസ്ലിം പോരാളികളുടേയും കടമയാണ്. ഇസ്ലാമിനെതിരായ കടന്നാക്രമണങ്ങള്ക്കെതിരെ പ്രതികാരം ചെയ്യണം’- പ്രസ്താവനയില് ആവശ്യപ്പെടുന്നു. ഓപ്പറേഷന് സിന്ദൂറിന്റെ ഭാഗമായി ഇന്ത്യന് സൈന്യം നടത്തിയ ആക്രമണത്തില് പാകിസ്ഥാനിലെ 9 ഭീകര ക്യാമ്പുകളാണ് തകര്ത്തത്.
