തിരുവനന്തപുരം : തീവ്രവാദത്തിനെതിരായി കേന്ദ്ര സര്ക്കാരും നമ്മുടെ പ്രതിരോധ സേനകളും സ്വീകരിക്കുന്ന നടപടികള്ക്ക് പൂര്ണ്ണ പിന്തുണ നല്കുന്നതായി മുഖ്യമന്ത്രി പിണറായി വിജയന് പ്രസ്താവനയില് അറിയിച്ചു. ഇത്തരം നടപടികളോടൊപ്പം തന്നെ പെഹല്ഗാമില് നിരപരാധികളെ കൊലപ്പെടുത്തിയവരെ നിയമത്തിനു മുന്നില് എത്തിക്കാനും പാക്കിസ്ഥാനില് ഭീകരവാദ ക്യാമ്പുകള് പ്രവര്ത്തിക്കുന്നില്ല എന്നുറപ്പുവരുത്താനുമുള്ള നയതന്ത്രപരമായ ഇടപെടലുകള് കൂടി സര്ക്കാരിന്റെ ഭാഗത്തു നിന്നുണ്ടാകണം. ഇന്ത്യന് പൗരന്മാര് എന്ന നിലയില് രാജ്യത്തിന്റെ ഐക്യവും അഖണ്ഡതയും സംരക്ഷിക്കാന് ഒരുമിച്ചു നില്ക്കാമെന്നും മുഖ്യമന്ത്രി പറഞ്ഞു.
ശക്തമായ തിരിച്ചടിച്ച ഇന്ത്യന് സേനയ്ക്ക് അഭിവാദ്യം അര്പ്പിക്കുന്നുവെന്ന് പ്രതിപക്ഷ നേതാവ് വി.ഡി സതീശനും പറഞ്ഞു.
