കോഴിക്കോട്: താമരശേരി പ്രിന്‍സിപ്പല്‍ എസ്‌ഐ ബിജുവിനെ വടകര വളയം പൊലീസ് സ്റ്റേഷനിലേക്ക് സ്ഥലംമാറ്റി. താമരശേരിയില്‍ ഭര്‍ത്താവ് വെട്ടിക്കൊലപ്പെടുത്തിയ ഷിബില നല്‍കിയ പരാതി കൈകാര്യം ചെയ്യുന്നതില്‍ വീഴ്ച ഉണ്ടായെന്ന പരാതിയെ തുടര്‍ന്നാണ് സ്ഥലംമാറ്റം.
ഷിബിലയുടെ കുടുംബം മുഖ്യമന്ത്രിക്ക് ഉള്‍പ്പെടെ പരാതി നല്‍കിയിരുന്നു. അപേക്ഷ നല്‍കിയതിനെ തുടര്‍ന്നാണ് സ്ഥലമാറ്റം എന്നാണ് താമരശേരി പൊലീസ് അറിയിച്ചത്.
സംഭവത്തില്‍ സസ്‌പെന്‍ഷനിലായിരുന്ന ഗ്രേഡ് എസ് ഐ കെ.കെ നൗഷാദിനെ തിരിച്ചെടുത്തിരുന്നു. തുടര്‍ന്നാണ് പ്രിന്‍സിപ്പല്‍ എസ്‌ഐ ബിജുവിനെ സ്ഥലംമാറ്റിയത്.
കൊല്ലപ്പെടുന്നതിനു മുമ്പ് ഷിബില നല്‍കിയ പരാതിയില്‍ വീഴ്ച വരുത്തിയെന്നാരോപിച്ചായിരുന്നു നൗഷാദിനെ നേരത്തെ സസ്പന്റ് ചെയ്തത്. ഭര്‍ത്താവ് യാസിറിനെതിരെ പരാതി നല്‍കിയിട്ടും നടപടി എടുത്തിട്ടില്ലെന്നാരോപിച്ച് ഷിബിലയുടെ കുടുംബം പൊലീസിനെതിരെ രംഗത്ത് വന്നതിന് പിന്നാലെയായിരുന്നു സസ്പന്‍ഷന്‍.
പ്രതികരിക്കാൻ ഇവിടെ എഴുതുക: