കൊച്ചി : സിനിമാ മേഖലയിലെ ലഹരി ഉപയോഗം വലിയ വിവാദമാകുന്നതിനിടയിൽ ലഹരിക്കെതിരായ തന്റെ നിലപാട് വ്യക്തമാക്കി തിരക്കഥാകൃത്ത് അഭിലാഷ് പിള്ള. സിനിമയാണ് തനിക്ക് ലഹരി അതല്ലാതെ സിനിമ ലൊക്കേഷനിലെ ലഹരിക്ക് കൂട്ടു നിൽക്കാൻ കഴിയില്ലെന്ന് അഭിലാഷ് പിള്ള പറയുന്നു.
മലയാള സിനിമയിൽ ലഹരി പിടിമുറുക്കുമ്പോൾ അതിന്റെ ആശങ്കപ്പെടുന്നവരും , അതിൽ നിന്ന് ഒഴിഞ്ഞ് നിൽക്കാൻ ആഗ്രഹിക്കുന്നവരും ഏറെയാണെന്ന് വ്യക്തമാക്കുന്നതാണ് അഭിലാഷ് പിള്ളയുടെ ഫേസ്ബുക്ക് പോസ്റ്റ്.
‘ സിനിമയാണ് എനിക്ക് ലഹരി അതല്ലാതെ സിനിമ ലൊക്കേഷനിലെ ലഹരിക്ക് കൂട്ടു നിൽക്കാൻ കഴിയില്ല,ആരെയും തിരുത്താൻ നിൽക്കുന്നില്ല ഇതിന്റെ അപകടം സ്വയം മനസ്സിലാക്കി തിരുത്തിയാൽ എല്ലാവർക്കും നല്ലത്. എന്റെ നിലപാട് ഞാൻ പറയുന്നു ലഹരിയില്ലാതെ അഭിനയം വരാത്ത അഭിനേതാക്കളും, അത് ഉപയോഗിക്കാതെ ജോലി ചെയ്യാൻ കഴിയാത്ത ടെക്നീഷൻമാരുമൊത്ത് ഇനി സിനിമ ചെയ്യില്ല. ‘ അഭിലാഷ് പിള്ള പറയുന്നു.
