കുവൈത്ത്: സയന്സ് ഇന്റര്നാഷണല് ഫോറം (എസ്ഐഎഫ്), കുവൈത്ത് സംഘടിപ്പിച്ച വാര്ഷിക സയന്സ് ഗാല ശ്രദ്ധേയമായി. ശാസ്ത്ര സാങ്കേതിക രംഗത്തെ നേട്ടങ്ങള് ആഘോഷിക്കാനും ഈ മേഖലയിലെ പ്രമുഖരുമായി കുവൈത്തിലെ വിദ്യാര്ത്ഥികള്ക്ക് സംവദിക്കാനുമുള്ള വേദിയാണ് വാര്ഷിക സയന്സ് ഗാല.
കുവൈത്ത് കോളജ് ഓഫ് സയന്സ് ആന്ഡ് ടെക്നോളജി ഓഡിറ്റോറിയത്തില് നടന്ന സയന്സ് ഗാലയില് ഐഎസ്ആര്ഒ മുന് ചെയര്മാന് ഡോ. എസ്. സോമനാഥ് മുഖ്യപ്രഭാഷണം നടത്തി. വലിയ സ്വപ്നങ്ങള് കാണാനും ആഗോള ശാസ്ത്ര സമൂഹത്തിന് സംഭാവന നല്കാനും അദ്ദേഹം വിദ്യാര്ത്ഥികളോട് ആവശ്യപ്പെട്ടു.
കുവൈത്ത് ഭാരത എംബസിയിലെ ഡെ. ചീഫ് ഓഫ് മിഷന് സഞ്ജയ് കെ. മുളുക മുഖ്യാതിഥിയായിരുന്നു. വിജ്ഞാന് ഭാരതി സഹസംഘടനാ സെക്രട്ടറി പ്രവീണ് രാംദാസ്, മീടെക്ക് സിഇഒ സന്ദീപ് നായര്, എസ്ഐഎഫ് പ്രസിഡന്റ് സോഹന് സോമന് എന്നിവര് സംസാരിച്ചു. ഹ്യൂമനോയിഡ് റോബോട്ടായ വിക്രാന്തിന്റെ സ്വാഗത പ്രസംഗത്തോടെയാണ് പരിപാടി ആരംഭിച്ചത്.
മികച്ച പ്രകടനം നടത്തിയ സ്കൂളിനുള്ള ആചാര്യ ജെ.സി. ബോസ് ട്രോഫി ഫഹാഹീല് അല്- വതാനെ ഇന്ത്യന് പ്രൈവറ്റ് സ്കൂള് സ്വന്തമാക്കി. വിവിധ മത്സരവിജയികള്ക്കുള്ള സമ്മാനങ്ങളും വിതണം ചെയ്തു. സൈഫ്ളിക്സ് സയന്സ് ഷോര്ട്ട്ഫിലിം മത്സരത്തില് വിജയിച്ച ചിത്രങ്ങളുടെ പ്രദര്ശനവും ഉപാസന സ്കൂള് ഓഫ് ആര്ട്സിലെ വിദ്യാര്ത്ഥികളുടെ കലാസാംസ്കാരിക പ്രകടനങ്ങളും നടന്നു.
