തിരുവനന്തപുരം: എസ്എഫ്‌ഐ തിരുവനന്തപുരം ജില്ലാ പ്രസിഡന്റ് നന്ദന്റെ വീടിന് നേരെ ആക്രമണമെന്ന് പരാതി. കടകംപള്ളി സ്വദേശിയായ നന്ദന്റെ തലയ്‌ക്ക് അക്രമികള്‍ ചുറ്റികയ്‌ക്ക് അടിച്ചെന്നും പരാതിയുണ്ട്.
രണ്ടുപേരാണ് ആക്രമണം നടത്തിയത്. തലയ്‌ക്ക് പരിക്കേറ്റതിനെ തുടര്‍ന്ന നന്ദനെ ജനറല്‍ ആശുപത്രിയില്‍ പ്രവേശിപ്പിച്ചു.
വെള്ളിയാഴ്ച രാത്രി ആയിരുന്നു ആക്രമണം. ഇത് മൂന്നാം തവണയാണ് നന്ദന്റെ വീടിന് നേരെ ആക്രമണം ഉണ്ടാകുന്നത്.
നേരത്തേ നടത്തിയ ആക്രമണത്തില്‍ ആക്രമികള്‍ വീടിന്റെ ജനലും നിര്‍ത്തിയിട്ട വാഹനവും അടിച്ചു തകര്‍ത്തിരുന്നു. അന്ന് പേട്ട പൊലീസില്‍ പരാതിയും നല്‍കിയിരുന്നു.
പ്രതികരിക്കാൻ ഇവിടെ എഴുതുക: